ISAYA 5:12 - Biblia Ilagho Jiboie Kwa Wandu Wose

¹² Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

ISAYA 5:12 ပူးပေါင်းရင်းမြစ်များ

KUZOYA 31:27

Kwaki korekimbiagha kwa kiviso, kukanikalia kusenighorie; kumangu sikufumire kwa maseko na chumbo, na ngoma na zeze?

2 SAMUELI 19:35

Idime iji ne mundu wa miaka mirongo wunyanya; huwo naduagha omanya mecha na mawiwi? Huwo ini mdumiki wako naduagha omanya kusinga kwa vindo veja angu venywa? Naduagha osikiria chwaka ra wabori wa waka na wa womi? Kwaki sena ini mdumiki wako niwuyagha msigo kwa bwana wapo mzuri?

AYUBU 34:27

kwa kukaia waghalukie nambai wikalegha kumnugha hata ndewiritalie chia rake rose.

ZABURI 28:5

Kwa kukaia ndewitalagha iro kazi ra BWANA, angu ivo ubonyere; uchawikaba na kuwitotesha putu.

ISAYA 22:13

Ela wulalo ghwaro morekoghe na iseko na kuboilwa, mkibwagha njau na ng'ondi na kuja nyama na kunywa divei mkighamba, “Ndedije na kunywa angu kesho diafwa.”

ISAYA 24:8

Chwaka ra mayanga ranyamirishiro, na kuboilwa kwa wandu kwasirie; vinubi vawo na misherembe yawo vanyamirishiro.

ISAYA 29:1

Ni bugha kwako Jerusalemu, ugho muzi Daudi orebonyereghe kambi yake. Miaka ndeiche na kuida karamu rikibonywa;

ISAYA 5:19

Awo wighambagha, “Ndeshashire kubonya agho ughorie, dipate kuriwona kazi rake; kidali cha Mweli wa Israeli ndechikatie, eri dipate kuchimanya.”

ISAYA 56:12

Wazerana weni na weni, ‘Choonyi, dinyo divei; dipate kukoja chofi ibirie; kesho dichawuria kunywa kuchumba idime.’”

EZEKIELI 26:13

Nichanyamira kubora konyu, na chwaka ra vinubi nderichaasikirika sena anduangi.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

1 WAKORINTHO 14:7

Hata na vilambo visewadie irangi, sa msherembe angu zeze vikakakabwa, ngera visaafunya chwaka rimanyikagha, nani udimagha kumanya ni lumboki luborwagha?

JUDA 1:12

Wandu awa weeka sa maboli gha wuchafu andenyi ya karamu renyu ra lukundo, wikijanya nenyo wisene waya, na kukukunda weni. Weeka sa mawingu ghisewadie machi, ghidukwaa-dukwa ni mbeo; ni sa midi isewadie matunda ngelo ya kimu cha matunda, iko seji eekulwa na kufwa putu.

1 SAMUELI 12:24

Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.