ISAYA 5:1 - Biblia Ilagho Jiboie Kwa Wandu Wose

¹ Sikirienyi nim'borie mkundwa wapo lumbo lwa lukundo, aighu ya mbuwa yake ya mizabibu: Mkundwa wapo orekoghe na mbuwa ya mizabibu, aho mghondinyi kuko na ndoe iwurue.

ISAYA 5:1 ပူးပေါင်းရင်းမြစ်များ

ZABURI 101:1

Nichakuboria lumbo ee BWANA; nichakuboria malagho gha wuloli na gha hachi.

ZABURI 45:1

Nachulwa ni malagho mecha ghemdunga mzuri lumbo; lumi lwapo lwakaia sa kalamu ya mwandiki uko na wuya.

ZABURI 60:5

Kudikire na kuditesia kwa ndighi rako, eri wandu wako kuwikunde wipate kukirwa.

ZABURI 80:8

Korediredieghe sa mzabibu kufuma Misri, kukariwinga mbari zima na kughuwa isangenyi kwawo.

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

LUMBO 5:16

Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

LUMBO 5:2

Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

LUMBO 6:3

Uo ni mkundwa wapo, nani ne wake; wadalisha mfugho rake aghadi ya mboi ra lili.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 2:21

Ela sena nerekuwaeghe karakara na mzabibu ghusaghulo, ghufumie kwa mbeu ndicha. Kwaghalukie-ghalukie wada, kukawuya mzabibu ghwa isakenyi?

EZEKIELI 15:2

“Mwana wa mdamu, mudi ghwa mzabibu ghwachumbie mudi mzima ghwa isakenyi naki?

EZEKIELI 19:10

Mayo odeeka sa mzabibu aghadi ya mbuwa ya mizabibu, ghuwalo mbai na mbai ya machi, ghuko na mbashu nyingi rivae loli-loli, kwa wundu ghwa machi mengi.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

MATHAYO 21:33

Nao Jesu ukawizera, “Sikirenyi mfwano ghumu. Mundu wa nyumba umu orelimieghe mbuwa ya mizabibu, ukaibonyera wurigha, ukakota kina chekamia zabibu, ukaagha mnara na kuipangisha walimi; nao ukadamba cha isanga izima.

MARKO 12:1

Jesu ukazoya kughora nawo kwa mifwano. “Mundu umu orelimieghe mbuwa ya mizabibu, ukairighia masanju, ukakota kina chekamia zabibu, ukaagha mnara. Ukaipangisha mbuwa iyo kwa walimi, nao moni ukadamba cha isanga izima.

LUKA 20:9

Niko Jesu ukawighoria wandu mfwano ughu: “Korekoghe na mundu umu orewaeghe mbuwa ya mizabibu, ukaipangisha walimi, ukadamba noko cha isanga ja kula kwa ngelo ndacha.

JOHANE 15:1

“Ini ne mzabibu ghwa loli, na Aba nuo mlimi waro.

WUKUMBUSO 8:10

Mchaja na kughuda; nenyo mchamkasa BWANA Mlungu onyu kwa wundu ghwa isanga icha umnekie.

WUKUMBUSO 8:7

BWANA Mlungu onyu waawuyamghenja isanga icha; isanga ja meda ya machi, na ja mariso na ndoria ra machi ghiseagha vololonyi na mighondinyi.