ISAYA 49:8 - Biblia Ilagho Jiboie Kwa Wandu Wose

⁸ BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 49:8 ပူးပေါင်းရင်းမြစ်များ

2 SAMUELI 7:13

Uo uchaniaghia nyumba, nani nichamangisha wuzuri ghwake kwa kala na kala.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ZABURI 69:13

Ela ini nadakulomba oho ee BWANA, kunitumbulie ngelo irumirikie kwako. Kunitumbulie kwa lukundo lukatie ee Mlungu, angu koko mloli.

ZABURI 75:3

Ndoenyi kukakazingizika, na vose viko andenyi yaro, ni ini niimaziriagha.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 27:3

“Ini BWANA, nuo mlindiri waro; nadaghudunga machi kula ngelo. Nadaghulindia kio na dime eri mndungi useghubonye ilagho jingi.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

ISAYA 49:19

“Kwa loli isanga jako jerenoneloghe, na kuwuya iduu, ela idana ndejichaawikata awo wichagha; na awo werekusaghisireghe, wichakaia kula.

ISAYA 51:16

Nakunekie malagho ghapo gheghora, nani ngakulindia kwa ndighi rapo; ni ini nibonyere mlungunyi, na kuwika misingi ya ndoenyi; nani nadawizera wandu wa Jerusalemu, ‘Inyo mo wandu wapo.’”

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 54:3

Angu kuchashabuka nandighi, chia ya mkonu ghwa kiwomi na ghwa kiwaka. Kivalwa chako chichawada isanga jawo jerekailoghe ni iro mbari ra wandu, na mizi yaro ichachua wandu.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

ISAYA 57:13

Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

ISAYA 58:12

Wandu wako wichaagha maghacho ghenyu gha kala, kuchaiagha na kuiwusira misingi ya kokala uko; na oho kuchawangwa m'boisi wa mawurigha wuwishi, na M'boisi chia, eri wandu wipate kukaia andenyi ya muzi.”

ISAYA 58:5

Munizera uku ni kufunga tumu nerekusaghueghe ini, wei mundu ukusere kwa wasi na kughoghomesha chongo chake sa lunyasi, na kurwa nguwo ra magunia chiaimweri na kulala ivunyi? Mwadima kughamba uku ni kufunga tumu na ituku nijirumiriagha ini BWANA?

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 61:4

Wichaghiagha maghacho gha kala ghinonelo, na kuagha mizi inonelo na kusighwa, wichaiboisa mizi inonelo kokala, iyo erenoneloghe vivalwa vingi va kokala uko.

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

MATHAYO 26:28

angu ihi niyo bagha yapo ya ilaghano idikagha kwa wundu ghwa wengi kulekwa kaung'a.

2 WAKORINTHO 6:2

Angu waghamba, “Ngelo irumirikie, nerekusikireghe, na kukutesia ituku ja kukia.” Ola idana, ihi niyo ngelo irumirikie; ola idime nijo ituku ja kukia.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAEBRANIA 8:6

Ela sa iji iko, Kristo wapatire wudumiki ghuboie kuchumba ugho ghwa kala, seji koni ijo ilaghano wawuyajidumikia jiko jiboie kuchumba; kwa kukaia jibonyero kwa malaghiro mecha kuchumba.