ISAYA 49:5 - Biblia Ilagho Jiboie Kwa Wandu Wose

⁵ Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

ISAYA 49:5 ပူးပေါင်းရင်းမြစ်များ

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

ISAYA 44:2

Ini ne BWANA uo orekuumbieghe, nakuteserie kufuma kuvalwa kwako. Kusakeobua Israeli oho ko mdumiki wapo, wandu wapo niwisaghue, awo niwikundagha.

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

JEREMIA 1:5

“Nerekumanyireghe imbiri nisekuumbie kifunyi, na imbiri kusevalo, nerekusaghueghe; nerekuwikieghe kukaie mlodi wa iro mbari ra wandu.”

ZEKARIA 6:13

Uo nuo uchaaiagha Hekalu ya BWANA, nao uchanekwa ishima jewuya mzuri na kuwibonyera nguma wandu wake. Mkohani uchakaia kaavui nao ukikaia kifumbinyi cha kiwuzuri, nawo wichabonya kazi chiaimweri kwa wumboa na sere.’

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

MATHAYO 15:24

Jesu ukamtumbulia, “Ini nededumwa tu kwa wandu wa Israeli wilagharie sa ng'ondi.”

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

LUKA 19:42

ukighamba, “Na wei kodemanya idime iji iro maza riredagha sere! Ela idana rakuvisikia!

JOHANE 3:35

Uja Aba wamkunde Mwana, nao wamnekie vilambo vose.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

WAROMA 15:8

Angu namzera inyo, Kristo orewurieghe mdumiki wa awo wishamishiro, upate kuwonyera wuloli ghwa Mlungu, na kughimangisha agho malaghiro gherenekeloghe weke wawa;

WAGALATIA 1:15

Ela Mlungu, uo orenisaghueghe imbiri nisevalo, na kuniwanga kwa mvono ghwake,

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.