ISAYA 49:4 - Biblia Ilagho Jiboie Kwa Wandu Wose

⁴ Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 49:4 ပူးပေါင်းရင်းမြစ်များ

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

MAKATANISHO 29:26

Wandu wengi wadakunda kurumirilwa ni m'bonyi nguma, ela kupata hachi kwadafuma kwa BWANA.

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 40:10

Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 40:27

Kwaki kudedagha ee Jakobo? Kwaki kughoragha ee Israeli, “Navisikie mesonyi kwa BWANA, na hachi rapo nderiwuetalwa ni Mlungu wapo?”

ISAYA 57:21

Ndekuwadie sere ingi kwa wandu wawiwi,” waghamba Mlungu wapo.

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

EZEKIELI 3:19

Ela kukamuonya nao uleghe kughaluka na kusigha wuwiwi ghwake angu chia yake mbiwi; uo mundu mmbiwi uchafwa kwa wuwiwi ghwake, ela oho kuchakira irangi jako.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

LUKA 24:26

Welee, ndeeremfwanieghe Kristo kutirirwa maza iri na kungia kwa wubaa ghwake?”

JOHANE 1:11

Orechieghe kwa isanga jake, ela wandu wake weni ndeweremmbusireghe anduangi.

WAROMA 10:21

Ela kwa wundu ghwa Waisraeli waghamba, “Dime dii nawighoruya mikonu yapo wandu wileghagha wisesikiragha.”

2 WAKORINTHO 12:15

Ini neko tayari kutumia ichi niko nacho kwa kuboilwa, na hata kukufunya ini moni kwa wundu ghwa roho renyu. Welee, ikakaia nimkunde nandighi huwo, ini muanikunda kuting'ini?

2 WAKORINTHO 2:15

Angu isi deko marumba mecha gha Kristo kwa Mlungu aghadi ya awo wikirwagha na aghadi ya awo witotagha.

WAGALATIA 4:11

Mwanikambira chongo; kewada neebonya kazi nduu kwa wundu ghonyu.

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.