ISAYA 49:2 - Biblia Ilagho Jiboie Kwa Wandu Wose

² Orebonyereghe malagho ghapo ghikaie sa lufu lukalie, ukanivisa kijunyi cha mkonu ghwake; ukanibonya sa iwanu jakalishwa na kuniwika andenyi ya zaka yake.

ISAYA 49:2 ပူးပေါင်းရင်းမြစ်များ

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

KUFUMA 33:22

Na iji wubaa ghwa mwengere ghwapo ghwakaida, nichakungira a lukororonyi lwa igho; nani nichakufinikira kwa mkonu ghwapo, hata nameria kuida;

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 51:16

Nakunekie malagho ghapo gheghora, nani ngakulindia kwa ndighi rapo; ni ini nibonyere mlungunyi, na kuwika misingi ya ndoenyi; nani nadawizera wandu wa Jerusalemu, ‘Inyo mo wandu wapo.’”

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

HOSEA 6:5

Iyo niyo sababu nidumie walodi konyu na ilagho jetanya na kutotesha. Agho nighikundagha gheko worinyi konyu.

HABAKUKI 3:11

Iruwa na mori vikamanga andu kwaro, kwa kuwona kung'ala-ng'ala kwa mawanu ghako ghakumbwa, na uko kung'ala-ng'ala kwa ifumu jako.

LUKA 23:46

Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

WUFUNUO 1:16

Orekoghe wawadia nyerinyeri mfungade kwa mkonu ghwake ghwa kiwomi, momunyi kwake lorefumieghe lufu lukalie chia rose, na wushu ghwake ghorekoghe ghuking'ala-ng'ala sa iruwa jakala na ndighi.

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 2:12

“Na malaika wa ikanisa ja Pergamo kumuandikie huwu: ‘Agha ni malagho gha uo uko na lufu lukalie chia rose.

WUFUNUO 2:16

Idana kuhee. Si huwo, nichacha kulwa nawo kwa lufu lwa momunyi kwapo.