ISAYA 48:21 - Biblia Ilagho Jiboie Kwa Wandu Wose

²¹ Iji orewighenjereghe kireti, ndewerewonieghe kau ingi; orebonyereghe machi ghifume ighonyi, orebarieghe igho, na machi ghikafuma.

ISAYA 48:21 ပူးပေါင်းရင်းမြစ်များ

NEHEMIA 9:15

“Korewinekieghe vindo kufuma mlungunyi iji werekoghe njala; kukawifunyira machi ighonyi iji werekoghe kau. Kukawizera wijiwuse isanga korewilaghirieghe kuchawineka.

NEHEMIA 9:20

Korewinekieghe Roho wako mucha owifundisha; korewinekieghe mana na machi ghenywa.

ZABURI 105:41

Orefunyireghe machi ighonyi, ghikaida a kireti sa moda.

ZABURI 74:15

Oho koreturueghe mariso na ndoria ra machi, kukaomera meda iseomagha.

ZABURI 78:15

Orebarieghe magho kireti, ukawineka machi ghenywa kwa wungi seji ghiafuma andu kumilie.

ZABURI 78:16

Orebonyereghe igho jibuse dumeda, na kubonya machi ghisee nokoisi sa meda.

ZABURI 78:20

Orekabieghe igho machi ghikafuma na dumeda dukaisa machi kwa wungi. Welee, wadima wokoni kufunya vindo angu nyama kwa wandu wake?”

KUFUMA 17:6

Ola nichakaia kimusi imbiri kwako aighu ya igho aja Horebu, na oho kuchajikaba igho, najo jichafunya machi, wandu wipate kunywa.” Musa ukabonya woruwo waghosi wa Waisraeli wikiwona.

ISAYA 30:25

Ngelo Mlungu uchaachikanya minara na kuwibwagha wamaiza, kuchakaia na meda ya machi ghiidagha kula mghondi m'baa na mtini.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

MITALO 20:11

Niko Musa ukawusira mkonu ghwake, ukajikaba igho na zobo yake mando awi; machi ghikafuma kwa wungi, na izungu jikanywa chiaimweri na mfugho rawo.