ISAYA 48:19 - Biblia Ilagho Jiboie Kwa Wandu Wose

¹⁹ Kivalwa chako kumangu chakaia sa msangagha, ee, sa shangagho ra msangagha ghwa bahari; marina ghawo kumangu na jingi ndegherevutwagha hata kutoteshwa imbiri kwapo anduangi.”

ISAYA 48:19 ပူးပေါင်းရင်းမြစ်များ

KUZOYA 13:16

Nichakuneka kivalwa kingi sa teri ya ndoenyi, na ichakaia iji mndungi uchaadima kutala teri iko ndoenyi, niko uchaadima kutala kivalwa chako.

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

1 WAZURI 9:7

niko nichawiinja wandu wapo Israeli isangenyi ijo nerewinekieghe, na iyo Hekalu nereiwikieghe wakfu kwa wundu ghonitasira nichaiinja niseiwoneghe. Wandu wa Israeli wichamenyeka na kuwuya wesekwa ni wandu wose.

AYUBU 5:25

Wana wako wichakaia wengi, na kivalwa chako chichakaia kingi sa nyasi ra ndoenyi.

ZABURI 109:13

Kivalwa chake ndechisie, na irina jake jiliwike kivalwa cha kawi.

ZABURI 9:5

Kwamerie kurikemia mbari zima, kukawisaghisa wawiwi; kwajivutire irina jawo, kwa kala na kala.

ISAYA 10:22

Kwa kukaia hata ngera Waisraeli weko wengi sa msangagha ghwa bahari, ela ni masighariko ghawo ghichaawuya. Wamerie kuwikilwa malaghiro ghetoteshwa kwa hachi.

ISAYA 14:22

BWANA wa majeshi waghamba, “Nichawuka aighu ya Babuloni, na kughunona ugho muzi putu hata usoweke mndungi oghorwa aho, hata mwana ungi, hata kivalwa chingi.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 44:4

Wichawoneka kara kara na nyasi rizoghuagha andu kwa machi, sa midi izoghuagha mbai mbai ya meda.

ISAYA 48:9

“Nawadia machu ghapo kwa wundu ghwa ishima ja irina japo; nakurumaghia kwa wundu ghwa wubaa ghwapo, eri nisechekuinja putu.

ISAYA 54:3

Angu kuchashabuka nandighi, chia ya mkonu ghwa kiwomi na ghwa kiwaka. Kivalwa chako chichawada isanga jawo jerekailoghe ni iro mbari ra wandu, na mizi yaro ichachua wandu.

ISAYA 56:5

irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”

ISAYA 66:22

“Angu sa iji koni mlungunyi kuwishi na ndoenyi kuwishi nerekubonyereghe kuchaadua imbiri kwapo, ni huwo koni na kivalwa chako na irina jako jichaadua imbiri kwapo.

ISAYA 9:14

Kwa huwo BWANA wadumbua chongo na mkomba kufuma kwa Israeli, na lumbashu lwa mtende na maria kwa ituku jimweri.

JEREMIA 33:22

Sa iji koni majeshi gha mlungunyi ghisetalikagha, na msangagha ghwa baharinyi ghusepimikagha, ni huwo koni nichaachichuria kivalwa cha mdumiki wapo Daudi na wakohani wa Kilawi awo wawuyanidumikia.”

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

WUKUMBUSO 9:14

Leka niwitoteshe nijiinje irina jawo ndoenyi; na oho nichakubonya kukaie mbari mbaa iko nandighi kuwichumba.’

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”

RUTHU 4:10

Aighu ya agho, uja Ruthu M'moabu, mka mkiwa wa Mahaloni, namghua ukaie mkwapo. Eri irina ja marehemu jipate kudua andenyi ya ifwa jake, sena jisakesia aghadi ya waruna, na mzinyi kwawo. Inyo mmbose mwakaia washahidi idime.”