ISAYA 48:18 - Biblia Ilagho Jiboie Kwa Wandu Wose

¹⁸ Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

ISAYA 48:18 ပူးပေါင်းရင်းမြစ်များ

ZABURI 119:165

Awandu wiikundagha sharia yako, weko na sere mbaa; ndekuwadie kindo chingi chidimagha kuwikuwisha anduangi.

ZABURI 36:8

Wadaghudishwa ni wungi ghwa vindo va nyumbenyi kwako, na oho kwadawinyosha kufuma modenyi ghwa kuboilwa kwako.

ISAYA 33:21

Aho BWANA uchakaia ukiditesia; kuchakaia na meda mibaa na mitini, andu meli ra wamaiza risedimagha kughenda, hata meli ra wabaa risedimagha kuida.

ISAYA 42:24

Nani ukumbie wana wa Jakobo mikonunyi kwa mnoni, na Israeli kwa viting'a? Welee, si BWANA uo werem'bonyerieghe kaung'a? Uo wisereghendieghe kwa chia rake, na uo wiserewadieghe sharia rake?

ISAYA 45:8

Reda mishushure kufuma koighu ee mlungunyi, mawingunyi ndekurede vua ya hachi; ndoenyi ndekutambaruke, kukia kupate kuwoneka, na hachi wori ipate kuwoneka; ini BWANA nerevibonyereghe.

ISAYA 54:13

Nichawifundisha wana wako wose, nawo wichawona nicha na sere.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

ISAYA 62:1

Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.

ISAYA 66:12

BWANA waghora huwu, “Olenyi nichachuria mecha ghake sa moda, na mali ra iro mbari ra wandu richakuchea sa moda ghwa machi mengi, nenyo mchaonga sa mwana wawadilwa ukishishilwa a mangonyi ni mae.

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

AMOSI 5:24

Ela hachi ndeidike-dike sa machi, na loli idike sa kamoda kiseomagha.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WUKUMBUSO 32:29

Walemwa ni kutambua kwaki wisimilo; ndewidimagha kutambua niki chibonyekie.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.