ISAYA 48:12 - Biblia Ilagho Jiboie Kwa Wandu Wose

¹² “Nisikire ini ee Israeli, kivalwa cha Jakobo neremmbangieghe! Ni ini Mlungu, ne wa imbiri na wa kutua.

ISAYA 48:12 ပူးပေါင်းရင်းမြစ်များ

MAKATANISHO 7:24

Na idana ee wanake, nisikirenyi; sikirienyi malagho ghapo.

MAKATANISHO 8:32

“Idana wana wapo, nisikirenyi. Warasimilwa awa wibonyagha seji nighoragha.

ISAYA 34:1

Choonyi, inyo mbari ra wandu, mpate kusikira; deghenyi madu inyo wandu wa ndoenyi msikire, ee, wurumwengu na vose viko andenyi yaro choonyi msikire.

ISAYA 40:26

Zighanenyi nokoighu cha mlungunyi! Nani uumbie iro nyerinyeri muriwonagha? Uo urighenjagha sa ijeshi wariichi mtalo ghwaro; nao wadariwanga kula imu kwa irina jake. Ndighi rake ni mbaa loli loli, hata ingi yaro na jingi ndeidimagha kulaghaya.

ISAYA 41:4

Nani ubonyere maza iri rikaie seji riko, ukipanga malagho kivalwa hata kivalwa? Ini BWANA, wa imbiri, na wa kutua, ni Ini.

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 43:11

“Ini, ee, ini ne BWANA; ndeuko mkiri ungi mzima kuchumba ini anduangi.

ISAYA 44:1

BWANA waghamba, “Idana sikirenyi ee wana wa Jakobo mdumiki wapo, sikira oho Israeli nerekusaghueghe.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 46:3

“Nisikirenyi ini inyo kivalwa cha Jakobo, inyo mmbose masighariko gha wandu wa Israeli; Ni ini neremdwaeghe na kumlindia kufuma kuvalwa konyu.

ISAYA 46:4

Ni ini moni nikaiagha kufuma kwavalwa hata kwaghosia, nichakudwa hata kwabuka imbu. Ni ini moni nerekubonyereghe, nani nichakulindia; nichakudwa na kukukira.

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

MATHAYO 20:16

Nao Jesu ukameria ukighamba, “Niko huwo wa kutua wichakaia wa imbiri, na wa imbiri wikaie wa kutua.”

WAROMA 1:6

chiaimweri na inyo mmbeni mmbangilo mkaie wandu wa Jesu Kristo.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

1 WAKORINTHO 1:24

Ela kwa awo wiwangilo ni Mlungu, ikaiagha ni Wayahudi angu Wagriki, kwawo Kristo ni ndighi ra Mlungu na hikima ya Mlungu.

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 2:8

“Na malaika wa ikanisa ja Simurna kumuandikie huwu: ‘Agha ni malagho gha uo wa imbiri na wa kutua, uo orefueghe na kukaia moyo sena.

WUFUNUO 22:13

Ini ne Alfa na Omega, wa imbiri na wa kutua; uko kuzoya na uko kutua.