ISAYA 48:1 - Biblia Ilagho Jiboie Kwa Wandu Wose

¹ Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 48:1 ပူးပေါင်းရင်းမြစ်များ

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

KUZOYA 35:10

“Irina jako oho ni Jakobo; ndekuchaawangwa Jakobo sena, ela kuchawangwa Israeli.”

2 WAZURI 17:34

Wandu awo waduagha wikibonya woruwo hata idime wikinugha mizango yawo ya kala. Ndewimtasagha BWANA hata kunugha memu na sharia rake orewilaghirieghe wana wa Jakobo uo oremmbangieghe Israeli.

2 WAZURI 5:20

Gehazi, uja mdumiki wa mlodi Elisha ukaghamba, “Zighana bwana wapo wamlekeria uhu Naamani, Msiria ughende; hata vilambo wamredia wavilegha! Naghema kwa Mlungu uko moyo, nichamnugha nipate kilambo chimu kwake.”

ZABURI 63:11

Ela mzuri uchaboilwa andenyi ya Mlungu, na awo wibonyagha maghemi kwa irina jake, wichamkasa; ela memu ya watee ichanyamirishwa.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ZABURI 68:26

“Mkasenyi Mlungu andenyi ya ikwanyiko ibaa, mkasenyi uo BWANA inyo kivalwa cha Israeli.”

ZABURI 68:27

Kichuku cha Benjamini mtini wawo chaawuyalongoza; wabaa wa Juda na kipughi chawo wianugha; wabaa wa Zebluni, na wabaa wa Naftali, waatua nyuma.

KUFUMA 23:13

Kughilindie agho ghose nakuzera, hata kusaketasa milungu mizima, hata marina ghawo ghisesikirike momunyi kwako.

MAKATANISHO 5:16

Ndeifwane kuva wana kisha-kisha na waka wazima; ndewichaakufwana kindo chingi.

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 44:5

“Na mndumu uchaghora, ‘Ini ne wa BWANA,’ mzima uchakuwanga kwa irina ja Jakobo, umu uchakuandika mkonunyi kwake, ‘Wa BWANA;’ na kukuwanga moni kwa irina ja Israeli.”

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

ISAYA 46:12

“Nisikirenyi ini, inyo mkurilo ni ngolo, nisikirenyi inyo muko kula na kukia.

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:2

Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

ISAYA 65:16

Eri uo mundu ose ukundagha irasimio isangenyi, ujipate kwa Mlungu wa loli, na uo ose ubonyagha ighemi isangenyi, ujibonye kwa Mlungu wa loli. Kwa kukaia wasi ghwa kala ghwameria kuliwika, na kusoweka putu imbiri kwapo.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

JEREMIA 44:26

Kwa huwo sikirenyi seji ini BWANA nighambagha konyu inyo mmbose wandu wa Juda mkaiagha isanga ja Misri: Olenyi naghemie kwa irina japo ibaa, kukaia, irina japo ndejichaatumilwa sena ni mndungi wa Juda aha Misri ukighamba, ‘Naghema kwa BWANA ukaiagha moyo.’

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

MIKA 2:7

Wele muaghesha wandu wa Israeli weewasirwa njowe? Mlungu oosigha kurumaghia kwake? Wadima kubonya maza rifwane huwo? Nechi wei Mlungu wadawidedia wandu wecha kwa wughoma?”

ZEFANIA 1:5

Nichatotesha kula mundu ujokagha aighu nyumbenyi kutasa iruwa na mori na nyerinyeri. Sena nichawitotesha awo winitasagha na kughema kwa irina japo sena ii chia wiaghema kwa irina ja ghuja mlungu Moleki.

ZEKARIA 5:3

Niko ukanizera, “Chuo ichi chaandikilo njowe ighenjwaghwa isanga jose. Luwaru lumu chaandikilo kula kitoi uchainjwa isangenyi; na luwaru lumu chaandikilo kula mundu ughoragha tee kwa ighemi uchainjwa.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MITALO 24:7

Ndoo rake richachua machi na kudika-dika, na mbeu rake richanyosherwa machi mengi. Mzuri wake uchakaia m'baa kuchumba Agagi, na wuzuri ghwake ghuchakaia m'baa.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

JOHANE 4:24

Mlungu ni Roho, na watasi wa loli wichadimishwa kumtasa loli ni Roho wake.”

WAROMA 2:17

Ela ngera kwakuwanga Myahudi, na kukusaghika kwa Sharia, na kukukasa kwa uko kummanya Mlungu kwako,

WAROMA 9:6

Si angu wei ilagho ja Mlungu jeelemwa, ela ni angu awo wose wiko wa kivalwa cha Israeli si wose wiko Waisraeli anduangi;

WAROMA 9:8

Huwu ni kughamba, si wana wivalo kwa chia ya mumbi wikaiagha wana wa Mlungu, ela wana wa ilaghiro niwo witalikagha kukaia kivalwa.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 33:28

Kwa huwo inyo kivalwa cha Jakobo mduo moyo kwa sere mkaie banana andenyi ya isanga ja viro na divei, andu mami gha mawingunyi ghinyosheragha ndoe.

WUKUMBUSO 5:28

“Iji morekoghe mkidedanya nani, BWANA oresikireghe malagho ghenyu; nao ukanizera, ‘Nasikira malagho gha awa wandu seji wakuzera, malagho ghawo ghose waghora ghaboie.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.