ISAYA 47:8 - Biblia Ilagho Jiboie Kwa Wandu Wose

⁸ “Idana sikira oho kukundagha maseko, oho kukaiagha kidombo kwa sere kukighesha, ‘Ni ini moni, hata ndekuwadie ungi unichumbie; sichaasea kidombo sa muka ufuilo, hata sichaamanya kusowekelwa ni wana anduangi.’

ISAYA 47:8 ပူးပေါင်းရင်းမြစ်များ

ISAYA 14:14

Nichajoka ighu niide mawingunyi, nichakaia karakara na Uo-Uko-Aighu-Nandighi.’

ISAYA 32:11

Kwa huwo, sughusikenyi inyo waka mwawuyasea kidombo kiduu mkikuhoresha; obuonyi inyo waka mkunde kukuhoresha; ruonyi nguwo renyu msigho duu, na kukufunga nguwo ra magunia viwonunyi konyu kwa wasi.

ISAYA 32:9

Wukenyi inyo waka mwawuyasea kidombo kiduu munisikire; inyo wai mwawuyakuhoresha nideghienyi madu ghenyu.

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 45:6

wandu wipate kumanya kufuma mashariki, na magharibi, kukaia, ndekuwadie mlungu ungi kuchumba ini; ini ne BWANA, hata ndekuwadie ungi mzima.

ISAYA 47:10

“Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

JEREMIA 49:31

“Wukenyi mkabe iyo mbari yawuyakuhoresha na kukurumiria cheni; iyo isewadie mbenge hata mirigho ingi, iyo ikaiagha iekeri.

JEREMIA 50:11

BWANA waghamba, “Hata ngera mwaboilwa na kukujosa ee wandu wa Babuloni; inyo mmbwadagha na kusoka mbari ya wandu wa ifwa japo; hata ngera mwarama-rama sa tagho ya ng'ombe ifashagha ngano, na kukema sa farasi ya womi,

JEREMIA 51:53

Hata ngera Babuloni wakujosa hata mlungunyi, na kuagha ngome rake rimange koighu, ela sena nichamdumia wandu wemtotesha, ini BWANA naghamba.”

EZEKIELI 16:49

Ola ughu nigho wuwiwi ghorebonyeroghe ni mwanyinyu wa waka Sodoma chiaimweri na mizi yake: werekukasireghe wikakaia na lwafuo lwa vindo wikija na kunywa na kuhoresha; hata ndeweretalieghe wakiwa, na awo weresowieghe.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 30:9

“Ituku ijo, nichaduma wadumwa wiangue, nawo wichafuma kuwikambira Waethiopia chongo werekoghe wisemanyire ilagho jingi jizamie, nawo wichakaia na kuwawa kwa wundu ghwa wasi ghwacha aighu ya Misri; nagho hoghuja ghwaawuyacha!”

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

DANIELI 4:4

“Ini Nebukadnezari nerekoghe ngihoresha andenyi nyumbenyi kwapo, na kusikira nicha andenyi ya ngome yapo.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 5:30

Kio icho cheni, Belshazari mzuri wa Babuloni ukabwaghwa,

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

NAHUMU 3:4

Nineve uchakabwa kwa wundu ghwa wumalaya ghwake. Waghokie, uchue mbingu rebwagha; waloghie iro mbari na kuribonya wazumba wake.

HABAKUKI 1:7

Ni wandu wa ndengwa, wioboshagha; wandu wikukasire wisena sharia.

ZEFANIA 2:15

Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.

2 WATHESALONIKE 2:4

uo utangalagha na kukujosa moni aighu ya kula kindo chiwangwagha mlungu, angu kilambo chetaswa, hata uvikie kusea kidombo andenyi ya Hekalu ya Mlungu, ukikughora uo moni kukaia Mlungu.

WATANYI 18:27

Nyuma ya Wadani kuwusa vilambo verebonyeroghe ni Mika, na uja mkohani wake, wikangia muzi ghwa Laishi, kwa wandu wiko na sere, wisene kiture chingi; wikawibwagha kwa lufu na kughukora muzi ghwawo.

WATANYI 18:7

Niko awo wandu wasanu wikafuma na kughenda muzi ghwa Laishi; wikawona seji awo wandu wiko nicha sa wandu wa Sidoni; wiko na sere, wisene kiture chingi, wisesowie kindo chingi chiko ndoenyi, wiwadie mali; nawo werekoghe kula na Wasidoni, hata ndewereranganeghe na mndungi anduangi.