ISAYA 47:6 - Biblia Ilagho Jiboie Kwa Wandu Wose

⁶ Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

ISAYA 47:6 ပူးပေါင်းရင်းမြစ်များ

2 SAMUELI 24:14

Nao Daudi ukamzera Gadi, “Nakaia na wasi m'baa; ni baa ningie mikonunyi kwa BWANA, angu uo uko na wughoma m'baa ela nisengie mikonunyi kwa mdamu.”

2 MALAGHO GHA NGELO 10:11

Na seji aba oremdukishireghe msigo ghulemere, nichaghuchuria. Aba oremkabieghe na kiboko, ela ini nichamlumishira weke mwambandenyi.’”

2 MALAGHO GHA NGELO 28:9

Ela mlodi wa BWANA uwangwagha Odedi orekoghe aho; ukafuma kujimara ijeshi jerekoghe jikingia Samaria ukajizera, “Olenyi moowisima wandu wa Juda angu BWANA Mlungu wa weke ndeyo orewibonyereghe machu, ela mwawibwagha kwa machu mabaa ghivikagha mlungunyi.

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

2 MALAGHO GHA NGELO 36:20

Awandu werefufunukieghe wisebwaghilo, orewidwaeghe wunyika cha Babuloni; wikakaia wadumiki wake, na wa wana wake; hata ngelo ya wuzuri ghwa Pashia kukaia na ndighi.

EZRA 5:12

Ela kwa kukaia weke aba werem'bonyereghe Mlungu wa mlungunyi kujokwa ni machu, orewifunyireghe na kumneka Nebukadnezari mzuri wa Babuloni, Mkaldayo uo oreinonieghe Hekalu ihi na kudwa wandu wunyika noko cha Babuloni.

ZABURI 69:26

Wamkoronga uo kumkabie, waja malagho gha luwawo lwa awo kuwishoghunue.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 13:16

Wana wawo wichabarilwa ndonyi na kuwaghanyika wikiwona. Wichasokwa vilambo vawo, na waka wawo wichadidikwa.”

ISAYA 14:17

Uhu nuo oreghubonyereghe wurumwengu kuwuya sa ikara, na kuinona mizi yaro; uo userewilekerieghe wafungwa wake wighale?’

ISAYA 14:6

ghorekabagha wandu kwa machu, na kuwibula ngelo rose; ghorewibonyeragha nguma iro mbari ra wandu kwa lubio, na kwa matiriro ghiseko na kutua.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

JEREMIA 50:42

Wawadie ndana na mafumu, ni wandu wing'etere wisene wughoma; lwaka lwa kucha kwawo ni sa kururuma kwa bahari, wajoka farasi, wameria kurwa sa mundu wa wuda wichelwa na oho ee muzi ghwa Babuloni.

KILILO CHA JEREMIA 1:14

“Wazighanire kaung'a rapo ukarifunga rose chiaimweri; warifungie singonyi kwapo, nani ngawuya mnyonge; BWANA wanifunyire kwa wamaiza wapo, nani seredimieghe kulwa nawo.

KILILO CHA JEREMIA 1:21

“Sikira seji nisirimikagha, ndekuwadie mndungi onihoresha. Wamaiza wapo waboilo angu kuniredie wasi. Bonya ijo ituku kujilaghirie jivike, kuwibonye wamaiza wapo witiririke karakara na ini.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

KILILO CHA JEREMIA 4:16

BWANA ndecheewuyawitala sena; ukawisaghisa moni. Ndecheewitala wakohani na vilongozi vedu.

KILILO CHA JEREMIA 5:12

Vilongozi vedu vadwalo vikanyonyoreshwa; na waghosi wedu weesowelwa ishima putu.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

EZEKIELI 28:16

Kwa wundu ghwa wungi ghwa biashara yako, korengiriloghe ni lung'eto kukabonya kaung'a. Kwa huwo nerekukumbieghe noko sa kilambo chisekundikie, kufuma mghondinyi ghwa Mlungu; na uo malaika mlindiri ukakufunya shighadi, kufuma ghadi na ghadi ya magho ghiakaaka gha zoghori mbaa.

OBADIA 1:10

“Kwa kukaia kwawisokie na kuwibwagha wanyinyu, awo wana wa Jakobo, kuchatoteshwa na kusowelwa ishima kwa kala na kala.

OBADIA 1:16

Wandu wapo wanyue kikombe chibirie cha makabo aighu ya mghondi ghwapo ghwa wueli. Ela mbari rose riko mbai-mbai richanywa kikombe chekabwa chibirie kuchumba; wichachinywa chose hata wisie.

ZEKARIA 1:12

Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?”

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

MATHAYO 7:2

angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.

WUKUMBUSO 28:50

Ni mbari ing'etere, isene wughoma kwa mghosi angu mundu wa irika;

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.