ISAYA 47:5 - Biblia Ilagho Jiboie Kwa Wandu Wose

⁵ BWANA waghamba “Sea kidombo kunyame chui kirenyi ee muzi ghwa Babuloni, kwa kukaia ndekuchaawangwa sena malkia wa mawuzuri.

ISAYA 47:5 ပူးပေါင်းရင်းမြစ်များ

ZABURI 31:17

Kusakenisigha nifusho waya ee BWANA, angu nakuwanga; wawiwi ndewifusho waya, na kusea Andu kwa Wafu winyame.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

ISAYA 23:2

Nyamenyi kima inyo mkaiagha pwani, inyo washami wa Sidoni; moredumieghe wandu wenyu,

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

ISAYA 47:7

Na oho koreghambieghe, ‘Nichakaia malkia kwa kala na kala;’ kwa huwo ndekoretalieghe malagho agha ngolonyi kwako hata ndekoregheshereghe ghikaia gha wada kutua kwaro.

JEREMIA 25:10

Nichawiinjira chwaka ra kuboilwa; lwaka lwa bwana-arusi na bibi-arusi, lwaka lwa magho ghishagha, na mwengere ghwa taa.

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

HABAKUKI 2:20

Ela BWANA oko andenyi ya Hekalu yake ya wueli; wandu wose wa wurumwengunyi ndewikaie kima imbiri kwake.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

JUDA 1:13

Wafwanana na mivo-mivo ya bahari iwadie ndighi, na mabonyo ghawo gha waya ghawoneka sa ifuo jaro jidikagha; wakaia sa nyerinyeri rimaraa-mara, nawo wawikilo kira kibaa cha kala na kala.

WUFUNUO 17:18

Na uo muka kummbonie, ni ugho muzi m'baa ghuko na nguma ya wazuri wose wa ndoenyi.”

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’

1 SAMUELI 2:9

“Uchawilongoza wandu wake wa loli, ela wawiwi wichalagharia kirenyi; angu mundu ndechaadima kusima kwa ndighi anduangi.