ISAYA 47:4 - Biblia Ilagho Jiboie Kwa Wandu Wose

⁴ Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 47:4 ပူးပေါင်းရင်းမြစ်များ

ZABURI 19:14

Madedo ghapo na maririkanyo ghapo ndeghirumirikie imbiri kwako ee BWANA, mlindiri wapo na mkomboli wapo.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

ISAYA 43:15

Ini ne BWANA, uo Mweli onyu Muumbi wa Israeli, Mzuri onyu.”

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 51:15

“Ini ne BWANA Mlungu wako, uo uinyavuragha bahari hata mivo-mivo yaro irurume; irina japo ni BWANA wa majeshi.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

JEREMIA 31:11

BWANA wamerie kuwifungua wandu wa Israeli, nao wameria kuwikombua kufuma kwa iyo mbari iwadie ndighi erewimazirieghe.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.