ISAYA 47:10 - Biblia Ilagho Jiboie Kwa Wandu Wose

¹⁰ “Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

ISAYA 47:10 ပူးပေါင်းရင်းမြစ်များ

ZABURI 10:11

Uo mundu mmbiwi waghamba ngolonyi kwake, “Mlungu waliwa; wafinikira wushu ghwake hata ndeniwonagha.”

ZABURI 52:7

“Wonenyi mundu uleghie kum'bonya Mlungu ukaie andu kwake kokimbiria; ukadakusaghika na wungi ghwa mali rake, na kukusaghika na wuwiwi ghwake.”

ZABURI 64:5

Wakumbana ngolo weni kwa weni, kwa mipango yawo ya wuwiwi; waja malagho seji widimagha kudegha midegho yawo wikighamba, “Mndungi ndeiwonagha.

MCHILI 8:8

Mndungi ndedimagha kukughiria usefo, angu kuinja ituku ja kifwa chake; ni wuda disedimagha kughuinjikia; ndediwadie wuya ghungi ghochikimbia.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 29:15

Ni bugha kwa awo wimvisagha BWANA njama rawo, awo wiwikie mabonyo ghawo andenyi kivisonyi, na kukotia, “Nani udiwonagha? Na nani udimanyagha?”

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

ISAYA 47:8

“Idana sikira oho kukundagha maseko, oho kukaiagha kidombo kwa sere kukighesha, ‘Ni ini moni, hata ndekuwadie ungi unichumbie; sichaasea kidombo sa muka ufuilo, hata sichaamanya kusowekelwa ni wana anduangi.’

ISAYA 5:21

Ni bugha kwa awo wikuwonagha weni kukaia na hikima, wikikuririkanya weni kukaia na suku.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

EZEKIELI 8:12

Niko Mlungu ukanizera, “Mwana wa mdamu, kwawona seji awaghosi wa wandu wa Israeli wawuyabonya akirenyi? Kula umu wawo waawuyatasa mlimu ghwake achumbenyi ukighamba, ‘BWANA ndewuediwona, BWANA wamerie kusigha iji isanga.’”

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

ZEFANIA 2:15

Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.

WAROMA 1:22

Nawo wikighamba wei wawadie suku, wikawuya wakelu;

1 WAKORINTHO 3:19

Angu hikima ya wurumwengu ughu ni wukelu kwa Mlungu. Sa iji iandikilo, “Wawiwada awo wiko na hikima andenyi ya mikalo yawo.”