ISAYA 45:9 - Biblia Ilagho Jiboie Kwa Wandu Wose

⁹ “Ni bugha kwa uo mundu usimanagha na Muumbi wake ni karakara na nyungu isimanagha na uo uivimbie! Welee, wongo ghwadima kumkotia uo mvimbi, ‘Niki kwawuyabonya?’ angu kughamba, ‘Kazi yako ndeiboie?’

ISAYA 45:9 ပူးပေါင်းရင်းမြစ်များ

AYUBU 10:9

Manya koonibonya na wongo, da kuaniwunja teri sena?

AYUBU 33:13

Kwaki kusimanagha nao wei ndetumbuliagha ilagho jingi ja mdamu?

AYUBU 40:2

“Oho kusimanagha na Uo-Uwadie-Ndighi-Rose, kwadima kumfunya makosa? Oho kumshitakiagha Mlungu, tumbulia.”

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

AYUBU 9:4

Mlungu oko na hikima na ndighi nyingi; ndekuwadie mndungi udimagha kusimana nao.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

MCHILI 6:10

Kula kindo chibonyekagha chapangilo kufuma kala; nesi daichi mdamu ndedimagha kusimana na uo umchumbie ndighi.

ISAYA 10:15

Ela Mlungu waghora huwu: “Welee, isoka jadima kukukasa aighu ya uo mundu ujitumiagha? Angu msumeno ghwadima kukujosa aighu ya mundu wawuyabara nagho? Sa kughamba zobo yadima kumdwa uo mundu uko nayo, angu mzata kumduka uo mundu ughudwagha!”

ISAYA 29:16

Awo wadaghalua malagho. Welee, mvimbi wadima kufwananishwa na wongo? Hata icho kilambo chibonyero chidime kumzera uo uchibonyere, “Si oho ungi kuniumbie?” angu kughamba, “Oho ndekumanyagha agho kughoragha?”

ISAYA 45:10

Ni bugha kwa uo mundu umzeragha ndee, ‘Niki kwava?’ angu kumzera mae, ‘Niki kwawuyachiva?’”

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 18:6

“Welee, sidimagha kubonya konyu ee wandu wa Israeli, seji u mvimbi wabonya? Inyo mooka mkonunyi kwapo kara kara na wongo mkonunyi kwa mvimbi.

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 50:24

Nerekudeghieghe mdegho kukawadwa ee Babuloni, na oho ndekoremanyireghe, ela koochakua kwawadwa, angu korekoghe kukisimana na ini BWANA.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?