ISAYA 45:6 - Biblia Ilagho Jiboie Kwa Wandu Wose

⁶ wandu wipate kumanya kufuma mashariki, na magharibi, kukaia, ndekuwadie mlungu ungi kuchumba ini; ini ne BWANA, hata ndekuwadie ungi mzima.

ISAYA 45:6 ပူးပေါင်းရင်းမြစ်များ

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 47:8

“Idana sikira oho kukundagha maseko, oho kukaiagha kidombo kwa sere kukighesha, ‘Ni ini moni, hata ndekuwadie ungi unichumbie; sichaasea kidombo sa muka ufuilo, hata sichaamanya kusowekelwa ni wana anduangi.’

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

EZEKIELI 38:23

Nani nichawonyera wubaa ghwapo na wueli ghwapo, na kukumanyisha ini moni imbiri ya iro mbari nyingi ra wandu. Niko wichamanya kukaia ini ne BWANA.”

EZEKIELI 39:21

BWANA waghamba, “Nichawonyera wubaa ghwapo aghadi ya iro mbari ra wandu, naro rose richawona kutanya kwapo seji nabonya, na seji nawikaba.

JOELI 2:27

Niko inyo Israeli mchamanya kukaia neko aghadi konyu, na kukaia ini BWANA ne Mlungu onyu hata mzima ungi ndeuko. Na jingi inyo wandu ndemchaafushwa waya sena anduangi.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.