ISAYA 45:4 - Biblia Ilagho Jiboie Kwa Wandu Wose

⁴ Nerekuwangieghe kwa irina jako, ngakudema irina kwa wundu ghwa mdumiki wapo Jakobo; uo Israeli msaghulwa wapo, hata ngera oho ndekuniichi.

ISAYA 45:4 ပူးပေါင်းရင်းမြစ်များ

ZABURI 105:6

ee kivalwa cha Abrahamu mdumiki wake, na Jakobo msaghulwa wake.

ZABURI 136:22

Ukamneka isanga Israeli mdumiki wake; lukundo lwake lukatie lwadua kwa kala.

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

ISAYA 44:1

BWANA waghamba, “Idana sikirenyi ee wana wa Jakobo mdumiki wapo, sikira oho Israeli nerekusaghueghe.

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

MARKO 13:20

Na ngera Bwana usereghipunguzireghe matuku agho, kumangu mndungi ndekiagha anduangi. Ela kwa wundu ghwa waja wasaghulwa orewisaghueghe, waghipunguza matuku agho.

MABONYO GHA WADUMI 17:23

Angu iji nerekoghe ngiida, na kuzighana andu konyu kotasira, nerewonieghe madhabahu iandikilo, ‘KWA UO MLUNGU USEMANYIKAGHA.’ Kwa huwu uo mwawuyamtasa msemmanyagha, nuo moni nawuyamchilia.

WAROMA 11:7

Da ni wada? Icho Waisraeli werechilolagha cheewilema kupata. Wasaghulwa awo wapatire, ela wazima wikaakurishwa ngolo;

WAROMA 9:6

Si angu wei ilagho ja Mlungu jeelemwa, ela ni angu awo wose wiko wa kivalwa cha Israeli si wose wiko Waisraeli anduangi;

WAEFESO 2:12

kumbukenyi angu ngelo iro morekoghe kula na Kristo, mtanyiro na mbari ya Israeli. Ndemorekoghe na ifungu jingi andenyi ya ilaghano ja ilaghiro; morekoghe msewadie isuwirio jingi, hata Mlungu wurumwengunyi.

1 WATHESALONIKE 4:5

Si kwa bea rizamie sa wandu wisestaarabikie wisemmanyagha Mlungu anduangi;