ISAYA 45:2 - Biblia Ilagho Jiboie Kwa Wandu Wose

² “Nichakiria ini moni imbiri kwako ee Koreshi, na kuisera mighondi. Nichaichikanya minyango ya shaba, na kuvidumbua-dumbua vuma varo.

ISAYA 45:2 ပူးပေါင်းရင်းမြစ်များ

ZABURI 107:16

Angu wadabara minyango ya shaba, na kudumbua mirigho ya chuma vibelele viwi.

ISAYA 13:2

Wusirenyi bendera ya wuda aighu ya mghondi ghwa ikara, muwikemie masikari, na kuwikunyiria kwa mikonu wingie na kughukaba ugho muzi ghukukasire.

ISAYA 14:31

Lilenyi na kukema mchungu mkilola wutesia inyo mizi ya Wafilisti; mngilo ni wowa inyo mmbose, kwa kukaia teri yawoneka cha kaskazinyi sa mosi, teri ya masikari ghichagha ghisena wowa.”

ISAYA 24:12

Muzi ghoononwa, na mbenge raro rachikanyiro na kunonwa.

ISAYA 40:4

Kula vololo ichachurwa, na mighondi mibaa na mitini ichaserwa andu kunonekie kuchadendereshwa, na aho kuzamie kuchaghokeshwa.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 45:13

Ni ini nimmbusirie Koreshi kwa hachi nani nicham'bonya upate kuwona nicha kwa chia rake rose; nao uchaagha wuwishi muzi ghwapo ghwa Jerusalemu, na kuwifungua wafungwa wapo, kuseko na zoghori hata inosi jingi.”

ISAYA 48:15

Ni ini, ee, ni ini moni nighighorie na kummbanga, namredie, nao uchawona nicha kwa chia rake.

JEREMIA 28:13

“Ghenda kumzere Hanania, ‘Ola kwachikanyire vilingo va midi, ela nichabonya vizima va chuma.

JEREMIA 51:30

Masikari gha Babuloni ghiko mang'oni ghameria kuleka wuda, nawo wasigharika andenyi ya ngome rawo; ndighi rawo ramerie kusia, wikawuya sa waka; malalo ghake ghekaia ghameria kukorwa, na vuma vawo verugha vameria kuchikanywa.

JEREMIA 51:58

Wurigha mshapa ghwa Babuloni ghuchaghushwa hata andoenyi, na mbenge rake riko ighu richakorwa, wandu wichadumika duu, na kazi rawo rose wawuyabonya richakorwa, Ini BWANA wa majeshi naghamba.”

DANIELI 5:28

PERES: kutambua kwaro wuzuri ghwako ghwamerie kuwaghwa na kunekwa Wamedi na Wapashia.”

DANIELI 8:4

Ngawona iyo bauru ikisindika cha magharibi, na kaskazinyi, na kusinyi. Ndekorekoghe na nyamandu ingi eredimagha kusimana nayo; hata ndekorekoghe na nyamandu ingi eredimagha kuvuvua mmbao angu kufufunuka kufuma kwa iro ndighi ra iyo bauru. Bauru iyo erebonyereghe sa iji koni erekundieghe, ikakukasa cheni.

NAHUMU 3:13

Masikari ghenyu gheeka sa waka, na isanga jenyu ndejiwadie wulindiri imbiri ya wamaiza wenyu; luvuna lonyu lookorwa ni modo.

LUKA 3:5

Kula vololo ichachurwa, na kula lughongo na mghondi vichaserwa, chia rikomekie richaghorolwa, na iro rizamie richadendereshwa;

MABONYO GHA WADUMI 1:15

Nao matuku agho, korekoghe na ikwanyiko ja wanidu sa ighana na mirongo iwi. Petro ukawuka kimusi aghadi ya wanidu ukaghamba,