ISAYA 45:1 - Biblia Ilagho Jiboie Kwa Wandu Wose

¹ BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

ISAYA 45:1 ပူးပေါင်းရင်းမြစ်များ

1 WAZURI 19:15

BWANA ukamzera, “Wuya na ija chia ya kireti cha Dameshki; kukameria kungia mzinyi, kumdunge Hazaeli mavuda uwuye mzuri wa Siria,

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

AYUBU 12:21

Wawifusha waya wabaa, na kuwisoka nguma rawo awo wiwadie wudimi.

ZABURI 73:23

Elaima nekwanye na oho tulituli; kwawuyaniwadia mkonu ghwapo ghwa kiwomi.

ISAYA 13:2

Wusirenyi bendera ya wuda aighu ya mghondi ghwa ikara, muwikemie masikari, na kuwikunyiria kwa mikonu wingie na kughukaba ugho muzi ghukukasire.

ISAYA 13:3

BWANA moni wawilaghira masikari ghake uwiwikie na kuwirumiria, awo wandu wake wiko na ndighi, wipate kuwikaba awo wandu uko na machu nawo.

ISAYA 41:13

Kwa kukaia Ini Bwana Mlungu wako, nichakumaziria kwa mkonu ghwapo ghwa kiwomi; ni Ini nighoragha, ‘Kusakeobua, Ini nichakutesia.’”

ISAYA 41:2

“Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 48:15

Ni ini, ee, ni ini moni nighighorie na kummbanga, namredie, nao uchawona nicha kwa chia rake.

JEREMIA 27:6

Idana nanekie mdumiki wapo Nebukadnezari mzuri wa Babuloni agha masanga ghose, sena namnekie nyamandu ra mlambenyi rimdumikie.

JEREMIA 43:10

nao kuwizere kukaia ini BWANA wa majeshi uo Mlungu wa Israeli naghamba nichamdumiria mdumiki wapo Nebukadnezari uo mzuri wa Babuloni, nao uchawika kifumbi chake cha nguma aighu ya agha magho kwaghivisa, nao uchadunga hema yake ya kiwuzuri aighu yaro.

JEREMIA 50:3

“Angu mbari imu ya wandu kufuma kaskazinyi yacha aighu ya Babuloni, nayo ichabonya isanga jake jisigho iduu. Wandu na nyamandu richafuma aho, na mndungi ndechaakaia aho anduangi.”

JEREMIA 50:35

BWANA waghamba, “Kifwa kwa Wababuloni! Kifwa kwa wandu wose wikaiagha Babuloni, na aighu ya wabaa, na wandu wake wa akili.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:30

Masikari gha Babuloni ghiko mang'oni ghameria kuleka wuda, nawo wasigharika andenyi ya ngome rawo; ndighi rawo ramerie kusia, wikawuya sa waka; malalo ghake ghekaia ghameria kukorwa, na vuma vawo verugha vameria kuchikanywa.

JEREMIA 51:58

Wurigha mshapa ghwa Babuloni ghuchaghushwa hata andoenyi, na mbenge rake riko ighu richakorwa, wandu wichadumika duu, na kazi rawo rose wawuyabonya richakorwa, Ini BWANA wa majeshi naghamba.”

EZEKIELI 29:20

Namnekie isanga ja Misri jikaie malipo ghake gha wudumiki orenidumikieghe, ini Bwana MLUNGU naghamba.

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

DANIELI 7:5

Ngawona nyamandu zima ya kawi ifwanane na kibarabara. Ikawusirwa luwaru lumweri, nayo erekoghe na mbaru idadu momunyi kwake ghadi na ghadi ya maghegho ghake; ikazerwa, ‘Wuka kuje nyama nyingi.’

DANIELI 8:3

Ngawusira meso ghapo ngazighana; ngawona bauru iko kimusi mbai na mbai ya moda. Erekoghe na mbembe iwi, rose riko ndacha; ela lwembe lumweri, ulo locheebuka nanyuma, lorekoghe lulacha kuchumba mmbao.

DANIELI 8:4

Ngawona iyo bauru ikisindika cha magharibi, na kaskazinyi, na kusinyi. Ndekorekoghe na nyamandu ingi eredimagha kusimana nayo; hata ndekorekoghe na nyamandu ingi eredimagha kuvuvua mmbao angu kufufunuka kufuma kwa iro ndighi ra iyo bauru. Bauru iyo erebonyereghe sa iji koni erekundieghe, ikakukasa cheni.

NAHUMU 2:6

Mbenge ra cha modenyi rarughuka, wandu wa ngomenyi ya mzuri wangilwa ni wowa.

NAHUMU 3:13

Masikari ghenyu gheeka sa waka, na isanga jenyu ndejiwadie wulindiri imbiri ya wamaiza wenyu; luvuna lonyu lookorwa ni modo.