Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAYA 43:7 - Biblia Ilagho Jiboie Kwa Wandu Wose

7 awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”

အခန်းကိုကြည့်ပါ။ ကော်ပီ




ISAYA 43:7
36 ပူးပေါင်းရင်းမြစ်များ  

Manyenyi kukaia BWANA ni Mlungu, nuo orediumbieghe, nesi de wake; de wandu wake, na ng'ondi ra malisha ghake.


Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”


Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.


Kwa kukaia ngelo uchaawiwona wana wake aghadi yake, nawo ni kazi ya mikonu yapo, niko wichaajielesha irina japo, wimkase Mlungu, Mweli wa Israeli, na kumshinikia Uo Mlungu wa Israeli.


Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.


Wandu nerewiumbieghe kwa wundu ghwapo, eri wipate kueresha makaso ghapo.”


Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.


Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”


Ni kwa wundu ghwapo nimoni, ee, kwa wundu ghwapo, niko nibonyagha huwo; nidima wada kusigha irina japo jisowelo ishima? Sichaamneka mndungi wubaa ghwapo anduangi.”


irina jake uo, jichaandikwa na kukumbukwa andenyi ya Hekalu yapo na wurighenyi ghwaro, kuchumba awo wiko na wana wa womi na wa waka, nao na jingi ndechaaliwa anduangi.”


Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.


Dakaia sa wandu jingi diserekoghe aisi ya nguma rako, dakaia sa wandu jingi disewangilo wandu wako.


Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”


Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’


Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.


Ee BWANA, sikira; Ee BWANA, fuya wughoma; Ee BWANA, sikira kubonye. Kusakemuka ee Mlungu wapo, kwa wundu ghwako kumoni, na kwa wundu ghwa muzi ghwako, na wandu wako wiwangilo kwa irina jako.”


Na huwo wandu wa Israeli wichawusa masighariko gha wandu wa Edomu, na iro mbari rose ra wandu wiwangilo wikawuya wapo,” waghamba BWANA uo ubonyagha maza iri.


Aba uchakaswa mkava matunda mengi, nenyo mchawoneka kukaia moko wanughi wapo.


nao uendammbona ukamreda Antiokia. Na kwa mwaka ghose mlazi werekoghe wikikwana na ikanisa, wikawifundisha wandu wengi na ndighi; na aho Antiokia, kwa indo ja imbiri, wanughi werezoeghe kuwangwa Wakristo.


Na wokoni orekundeghe kuwonyera wungi ghwa wubaa ghwake, ugho ghorediriloghe aighu yedu isi derewikiloghe kwa wundu ghwa wughoma ghwake; wandu dibonyero tayari kufuma koimbiri, kughuwusa wubaa ghwake.


Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.


Angu kushamishwa na kuleghashamishwa, ndekutalikagha kukaia kindo chingi anduangi; jikundikie ni kuumbwa wuwishi.


isi deresuwirieghe andenyi ya Kristo koimbiri, damerie kusaghulwa na kuwikwa dikaie moyo kwa wundu ghwa kughukasa ugho wubaa ghwake.


upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.


Angu nuo udibonyere, ukadiumba andenyi ya Kristo Jesu, kwa wundu ghwa mabonyo mecha; agho Mlungu oreghiboisireghe kufuma imbiri, dipate kughibonyaghaa.


Siwo weni wawuyajisholia ijo irina ja ishima morenekeloghe anguwada?


Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.


Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.


Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.


Uo usimagha, nicham'bonya ukaie nguro andenyi ya iyo hekalu ya Mlungu wapo, hata najingi ndechaafuma aho anduangi. Nichajiandika irina ja Mlungu wapo aighu kwake, na irina ja muzi ghwa Mlungu wapo, ugho Jerusalemu mmbishi ghuseagha kufuma mlungunyi kwa Mlungu wapo, na irina japo jeni iwishi nichajiandika wori.


Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ