ISAYA 43:2 - Biblia Ilagho Jiboie Kwa Wandu Wose

² Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 43:2 ပူးပေါင်းရင်းမြစ်များ

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ZABURI 32:6

Kwa huwo kula mundu ukuobuagha, ndelombe kwako; iji wasi ghwamchea sa machi mengi, ndeghuchaamvikia.

ZABURI 66:10

Kwaditimie ee Mlungu; kwaditimie seji feza ieleshwagha kwa modo.

ZABURI 66:12

Kwasighie wamaiza wedu wikadichang'acha-chang'acha; daidie aghadi ya modo na machinyi, ela sena kukadireda andu kwa banana.

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

KUFUMA 14:29

Ela Waisraeli wereidieghe andu kuomie ghadi na ghadi ya bahari; machi ghikikaia sa wurigha chia ya mkonu ghwa kiwomi na chia ya mkonu ghwa kiwaka.

KUFUMA 3:12

Mlungu ukamtumbulia, “Ini nichakanya andwamweri na oho; na oho kukameria kuwifunya wandu wapo Misri, kuchamtasa Mlungu aighu ya mghondi ughu. Na ugho ghuchakaia ni wuloli kukaia ni ini nakuduma.”

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:27

Wonenyi ndighi ra Mlungu rawoneka kufuma kula, riko na modo ghwa machu ghake, ghifukiagha sa mosi, na memu yake ikisughuswa ni lubio lwake; madedo ghake ghiakora sa modo.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

JEREMIA 42:11

Msakemuobua uo mzuri wa Babuloni, uo mwawuyamuobua; msemuobuo, angu ini neko andwamweri na inyo, nipate kumkira na kumvuvua kufuma mikonunyi kwake.

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

DANIELI 3:23

Na awo wandu wadadu, awo weke Shadraka, Meshaki, na Abednego wikapotoka andenyi ya ghuja modo wifungie.

HAGAI 1:13

Niko Hagai ukawighoria wandu malagho gha BWANA: “Nalaghira kukaia nichakanya andwamweri nenyo.”

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

2 TIMOTHEO 4:22

Bwana ndekaie na roho yako. Mvono ndeghukaie nenyo.

WAEBRANIA 11:29

Kwa irumirio, Waisraeli wereruwukieghe Bahari ya Shamu sa ndoe iomie; ela Wamisri wiendatima kubonya huwo, wikamilwa ni machi.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”