ISAYA 42:7 - Biblia Ilagho Jiboie Kwa Wandu Wose

⁷ Kupate kutambua meso gha vitungure, na kufungua wafungwa wifume kifungonyi, na awo wiko kirenyi wipate kufunguka.

ISAYA 42:7 ပူးပေါင်းရင်းမြစ်များ

ZABURI 97:7

Watasi milimu wose wikukasagha na milimu isewadie fwaida ingi wafushwa waya; milungu yose yadaghoghoma imbiri ya BWANA.

ISAYA 29:18

Ngelo iyo, mundu usesikiragha uchasikira malagho ghikishomwa, na awo wiko vitungure wikaiagha kirenyi, meso ghawo ghichafunguka wiwone.

ISAYA 35:5

Niko aho meso gha vitungure ghichatambulwa, na madu gha wandu wisesikiragha ghichafunguka;

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

ISAYA 49:9

Kuchawizera wafungwa, ‘Choonyi shwa-shwa;’ na awo wiko kirenyi ‘Fumenyi worinyi.’ Wichakaia wikija na kughuda chienyi, wichawona malisho hata andu kuko kuduu mighondinyi,

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

LUKA 24:45

Nao ukawifungua akili rawo wipate kutambukilwa ni Maandiko.

JOHANE 9:39

Nao Jesu ukaghamba, “Ini nerechieghe wurumwengunyi kutanya, awa wisewonagha wipate kuwona, na awa wiwonagha wiwuye vitungure.”

JOHANE 9:7

ukamzera, “Ghenda ndiwa ya Siloamu, kuoghe wushu” (kutambua kwaro irina ijo ni “Udumilo.”) Nao ukaghenda ukaogha, ukawuya ukiwona.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

2 TIMOTHEO 2:26

nyuma ya kuwiwada na kuwibonya wifufunuke ugho mdegho ghwa Ibilisi, wipate kubonya lukundo lwa Mlungu.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.