ISAYA 42:22 - Biblia Ilagho Jiboie Kwa Wandu Wose

²² Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

ISAYA 42:22 ပူးပေါင်းရင်းမြစ်များ

ZABURI 102:20

upate kusikira kuruma kwa wafungwa, na kuwifungua awo weretanyiroghe kufwa.

ZABURI 50:22

“Zighanenyi ijo ilagho inyo muniliwagha, nisechemrashua hata msowe mndungi omkira.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 14:17

Uhu nuo oreghubonyereghe wurumwengu kuwuya sa ikara, na kuinona mizi yaro; uo userewilekerieghe wafungwa wake wighale?’

ISAYA 18:2

Ijo isanga jaduma wadumi wake kwa chia ya Moda ghwa Naili, kwa kutumia mashua ribonyero na maria. Ghendenyi shwa-shwa inyo wadumwa, kwa iyo mbari ya wandu walacha widendere; mbari iobolwagha ni wandu kula na kaavui, mbari iwadie ndighi isimagha; isanga jake jiwaghilo ni meda.

ISAYA 24:18

Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

ISAYA 24:22

Wichakwanywa chiaimweri kara kara na wafungwa andenyi ya kira, nawo wicharughilwa ahoeni kinenyi, na nyuma ya matuku mengi wichafunywa wipate kukabwa.

ISAYA 24:3

Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 36:1

Mwaka ghwa ikumi na inya ghwa kubonya nguma kwa Mzuri Hezekia, Senakeribu mzuri wa Ashuru ukangia kuikaba mizi ya ngome ra Juda na kuiwada.

ISAYA 42:23

Nani aghadi konyu uchaasikiria malagho agha, nani uchaadua ukisikiria kwa ngelo richagha?

ISAYA 42:7

Kupate kutambua meso gha vitungure, na kufungua wafungwa wifume kifungonyi, na awo wiko kirenyi wipate kufunguka.

ISAYA 45:13

Ni ini nimmbusirie Koreshi kwa hachi nani nicham'bonya upate kuwona nicha kwa chia rake rose; nao uchaagha wuwishi muzi ghwapo ghwa Jerusalemu, na kuwifungua wafungwa wapo, kuseko na zoghori hata inosi jingi.”

ISAYA 5:29

Masikari ghawo ghiaruma sa shimba, wiaruma sa shimba ngoo; waruma na kuwada madiwo ghawo, waghiduka, na mndungi ndeuko otesia.

ISAYA 51:23

Nichawineka awo werekutiriragha icho kikombe, awo wikuzerie, ‘Ghomeka diwoneida naighu yako;’ mghongo ghwako ghukawuya sa ndoe, kara kara na chia yawo eidiria!”

ISAYA 56:9

BWANA wawizera wandu wa mbari ya kighenyi huwu, “Choonyi mfondie nyama ra wandu wapo, seji nyamandu ra isakenyi rijagha.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 52:31

Mwaka ghwa mirongo idadu na mfungade ghwa kudwalwa wunyika kwa Jehoiakini mzuri wa Juda, ituku ja mirongo iwi na isanu ja mori ghwa ikumi na iwi, Evil-merodaki uwurie mzuri, oremmbonieghe wughoma Jehoiakini mzuri wa Juda, ukamfunya kifungonyi.