ISAYA 42:16 - Biblia Ilagho Jiboie Kwa Wandu Wose

¹⁶ “Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 42:16 ပူးပေါင်းရင်းမြစ်များ

ZABURI 94:14

BWANA ndechaawisigha wandu wake, hata ndechaada ifwa jake anduangi.

MCHILI 1:15

Icho chikomekie ndechidimagha kughorolwa, na icho chiseko ndechidimagha kutalwa.

MCHILI 7:13

Ririkanya seji Mlungu ubonyere; nani udimagha kughorua icho Mlungu uchikomeshere?

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

ISAYA 29:18

Ngelo iyo, mundu usesikiragha uchasikira malagho ghikishomwa, na awo wiko vitungure wikaiagha kirenyi, meso ghawo ghichafunguka wiwone.

ISAYA 29:24

Awo wikosagha rohonyi, wichapata kumanya, na awo wichulo ni mazughunuko, wicharumiria mafundisho.”

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 30:21

Kuchasikira lwaka lukighora nyuma yako, “Ola chia ni iyo, muinughe; ngelo mghalukagha mkonu ghwa kiwomi angu ghwa kiwaka.”

ISAYA 32:3

Niko meso gha awo wiwonagha ghisechaatungurishwa sena, na madu gha awo wisikiragha wichaasikira.

ISAYA 35:5

Niko aho meso gha vitungure ghichatambulwa, na madu gha wandu wisesikiragha ghichafunguka;

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 40:4

Kula vololo ichachurwa, na mighondi mibaa na mitini ichaserwa andu kunonekie kuchadendereshwa, na aho kuzamie kuchaghokeshwa.

ISAYA 41:17

“Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.

ISAYA 41:3

Wadawinuga na kuida banana, ukiida chienyi useiidie jingi.

ISAYA 45:2

“Nichakiria ini moni imbiri kwako ee Koreshi, na kuisera mighondi. Nichaichikanya minyango ya shaba, na kuvidumbua-dumbua vuma varo.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 48:17

BWANA, uo Mkomboli wako, Mlungu Mweli wa Israeli waghora huwu: “Ini ne BWANA Mlungu wako, uo ukufundishagha kupate fwaida na kukulongoza kwa iyo chia ifwane kuighendie.

ISAYA 52:12

Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

ISAYA 54:13

Nichawifundisha wana wako wose, nawo wichawona nicha na sere.

ISAYA 58:10

na iji kwawineka vindo awo wisowagha, na kuwikatishira bea rawo awo wikorongelo. Aho niko kira chikumarie chia rose chichaaghaluswa chikaie sa mwengere ghwa dime ghadi.

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

EZEKIELI 14:23

Ngolo yako ichahoa iji kwawona tabia rawo na mabonyo ghawo ghizamie, na oho kuchamanya kukaia malagho nighibonyere si gha duu anduangi. Ini Bwana MLUNGU naghamba.”

HOSEA 2:14

“Kwa huwo nichamghenja cha kireti sena, na oho nichadedanya nao kwa lukundo.

HOSEA 2:6

Kwa huwo nichaikabia chia yake isanju ja minjwa, nani nichaagha wurigha ghoditanya, usedime kuwona chia rake sena.

AMOSI 5:8

BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

LUKA 3:5

Kula vololo ichachurwa, na kula lughongo na mghondi vichaserwa, chia rikomekie richaghorolwa, na iro rizamie richadendereshwa;

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JOSHUA 3:4

mpate kuimanya ija chia mchaiidia, kwa kukaia jingi ndemuiidie iyo chia. Ela mkaie na kipimo chesighana na iyo Sanduku wukula ghwa kilometa imweri; mseisoghodere.”

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.