ISAYA 42:11 - Biblia Ilagho Jiboie Kwa Wandu Wose

¹¹ Kireti na mizi yose iko aho ndeiwusire chwaka rawo kumkasa BWANA, wandu wose wikaiagha mizi ya Kedari, na awo wikaiagha Sela, ndewibore kwa kuboilwa; ndewiwusire chwaka rawo na kukasa aighu mighondinyi.

ISAYA 42:11 ပူးပေါင်းရင်းမြစ်များ

KUZOYA 25:23

BWANA ukamtumbulia ukaghamba, “Mbari iwi reko kifunyi kwako, na vichuku viwi kuvivagha vichawaghika; chimu chichakaia na ndighi kuchumba mmbao, na uo m'baa uchamdumikia uhu mtini.”

ZABURI 120:5

Ni bugha kwapo angu nawuyamara-mara andenyi ya isanga ja Mesheki, na kukaia aghadi ya hema ra Kedari!

ISAYA 12:5

“M'borienyi BWANA chumbo ra makaso; kwa kukaia wabonya malagho mabaa; ereshenyi malagho agha ndoenyi kose.

ISAYA 16:1

Wandu wa Moabu, dumenyi wana wa ng'ondi wikaie kodi kufuma Sela, kwa uo ubonyagha nguma Jerusalemu mkiidia kireti.

ISAYA 21:16

Niko BWANA ukanizera, “Andenyi ya mwaka mlazi gi, wubaa ghose ghwa Kedari ghuchasia.

ISAYA 32:16

Aho niko hachi ichakaia kireti, andenyi ya iyo mbuwa ivagha matunda.

ISAYA 35:1

Kireti na isanga jiomie jichakaia na kuboilwa, ikara jichaboilwa na kufunya mboi sa ra waridi;

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

ISAYA 40:3

Lwaka lwa mndumu lwasikirika: “Boisenyi chia ya BWANA aho kireti, ghoruonyi chia mbaa ikarenyi, kwa wundu ghwa Mlungu odu.

ISAYA 43:19

Olenyi naawuyabonya ilagho iwishi jazoya kubonyeka; ndemmbuejiwona? Nichabonya chia kireti, na kumneka meda aho.

ISAYA 52:7

Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

ISAYA 60:7

Ng'ondi rose ra Kedari richaredwa kwako, na bauru ra Nebaiothi richafunywa kwa wudumiki ghwa BWANA; naro richarumirilwa kukaia kizongona aighu madhabahunyi kwake, nao uchaipamba Hekalu yake ikumikie na wubaa mungi.

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 48:28

“Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

JEREMIA 49:31

“Wukenyi mkabe iyo mbari yawuyakuhoresha na kukurumiria cheni; iyo isewadie mbenge hata mirigho ingi, iyo ikaiagha iekeri.

EZEKIELI 27:21

Arabia na wabaa wose wa Kedari werekoghe wakundwa wako kwa wundu ghoghuana wana wa ng'ondi, bauru na mburi, naro niro korebonyereghe biashara nawo.

OBADIA 1:3

Lukaso lwako lookukalia, Muzi ghwako m'baa ghooka na ngome riaghilo na magho ghikurie; nyumba yako eeka aighu mghondinyi; niko kwawuyaghamba, ‘Nani udimagha kunighusha andonyi?’

NAHUMU 1:15

Wona mdumwa waawuyacha aighu mghondinyi na malagho mecha; waawuyachaghora malagho gha wusimi! Bonyenyi karamu ee wandu wa Juda, mumneke Mlungu ivo moremlaghirieghe; mmbiwi ndechaakaba isanga jako sena, oosimwa putu.