ISAYA 42:10 - Biblia Ilagho Jiboie Kwa Wandu Wose

¹⁰ M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:10 ပူးပေါင်းရင်းမြစ်များ

1 MALAGHO GHA NGELO 16:32

Bahari ndeirurume, na vose vichue andenyi yaro; mbuwa nderiboilo na vose viko andenyi yaro.

ZABURI 150:6

Kula kindo chiko moyo, ndechimkase BWANA. BWANA ndekaso.

ZABURI 33:3

M'borienyi lumbo luwishi, kabenyi kinubi kwa wuya, mkibora na lwaka lubaa.

ZABURI 40:3

Ukanifundisha kubora lumbo luwishi, lumbo lomkasa Mlungu odu. Wandu wengi wichawona na kuobua, nawo wichamrumiria BWANA.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ZABURI 96:11

Mlungunyi ndekuboilo, na ndoenyi kukaie na iseko; bahari ndeirurume na vose viko andenyi yaro.

ZABURI 97:1

BWANA ni mzuri, wandu wa ndoenyi ndewizume; masanga gha pwani ndeghiboilo!

KUFUMA 15:1

Niko Musa na Waisraeli wikam'boria BWANA lumbo ulu: “Nicham'boria BWANA angu wasima kwa wubaa mungi, farasi na mjoki farasi, wawikumba baharinyi.

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 12:5

“M'borienyi BWANA chumbo ra makaso; kwa kukaia wabonya malagho mabaa; ereshenyi malagho agha ndoenyi kose.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 60:6

Longo lwa ngamila richacha richuo kwako, wana wa ngamila wifumie Midiani na Efa; iro rose kufuma Sheba richakuchea. Richareda dhahabu na marumba, wikieresha agho makaso gha BWANA.

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

ISAYA 65:14

Wadumiki wapo wichabora wikiboilwa ngolonyi, ela inyo mchakema mkiwawa ngolonyi; nenyo mchalila mkikaia na luwawo lubaa rohonyi.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

WUFUNUO 14:3

nawo werekoghe wikibora lumbo luwishi imbiri ya icho kifumbi cha nguma, na imbiri ya iro nyamandu riko moyo inya, na imbiri ya awo waghosi. Ndekuwadie mndungi oredimieghe kukufundisha ulo lumbo, ela awo wandu elfu ighana na mirongo ina na inya awo werekombologhe kufuma ndoenyi;

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.