ISAYA 42:1 - Biblia Ilagho Jiboie Kwa Wandu Wose

¹ BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 42:1 ပူးပေါင်းရင်းမြစ်များ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

ZABURI 72:4

Kumneke kuwidederia wakiwa, uwitesie awo wisowagha, na kumsima mkorongi.

ZABURI 89:4

‘Nichachibonya kivalwa chako chiduo kwa kala na kala, na kumangisha kifumbi chako cha nguma vivalwa vose.’”

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 32:16

Aho niko hachi ichakaia kireti, andenyi ya iyo mbuwa ivagha matunda.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

ISAYA 41:9

Neremdwaeghe kufuma kutua kwa ndoenyi, ngammbanga kufuma kula ngimzera, ‘Inyo mo mdumiki wapo, neremsaghueghe hata seremleghieghe anduangi.’

ISAYA 42:2

Ndechaakema, hata lwaka lwake ndeluchaasikirika chienyi;

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

HAGAI 2:23

Ituku ijo ee Zerubabeli mwana wa Shealtieli, mdumiki wapo, nichakubonya oho kukaie mzuri kwa nguma yapo, kwa kukaia ni oho nikusaghue.” BWANA wa majeshi waghamba.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

LUKA 3:22

na Roho Mweli ukamseria aighu kwake uko na fwana ya mumbi sa mbughi, na lwaka lukafuma mlungunyi, “Oho ko Mwana wapo mkundwa, niboilwagha ni oho loli-loli.”

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

LUKA 4:19

na kughutangaza mwaka ghwa Bwana ghurumirikie.”

LUKA 9:35

Lukacha lwaka andenyi ya jija iwingu lukighamba, “Uhu ni Mwana wapo, msaghulwa wapo, msikirenyi.”

JOHANE 16:32

Ngelo iacha, nayo yameria kuvika, inyo mmbose mchasaghiswa kula mundu ughende andu kwake; na ini nichasigharika niekeri. Ela siko niekeri anduangi, kwa kukaia Aba oko andwamweri nani.

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MABONYO GHA WADUMI 28:28

“Kwa huwu mumanye angu uku kukia kwa Mlungu kwaghenjerwa wandu wa mbari zima, nawo wichasikira.” [

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAFILIPI 2:7

Ela orelekerieghe rose ukawusa fwana ya mzumba, ukavalwa na fwana ya mdamu.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”