ISAYA 41:4 - Biblia Ilagho Jiboie Kwa Wandu Wose

⁴ Nani ubonyere maza iri rikaie seji riko, ukipanga malagho kivalwa hata kivalwa? Ini BWANA, wa imbiri, na wa kutua, ni Ini.

ISAYA 41:4 ပူးပေါင်းရင်းမြစ်များ

ZABURI 102:27

Ela oho kwadua wokoni, na miaka yako ndeisiagha.

ZABURI 102:28

Wana wedu wichadua banana, na kivalwa chawo chichadua banana aisi ya wulindiri ghwako.

ISAYA 40:12

Mndungi wadima kupima machi na ngonde ya lui lwake? Angu kupima mawingu kwa mkonu ghwake? Nani udimagha kudungiria ndoe ra wurumwengu andenyi ya kikombe, angu kupima wulemeri ghwa mighondi mibaa na mitini?

ISAYA 40:26

Zighanenyi nokoighu cha mlungunyi! Nani uumbie iro nyerinyeri muriwonagha? Uo urighenjagha sa ijeshi wariichi mtalo ghwaro; nao wadariwanga kula imu kwa irina jake. Ndighi rake ni mbaa loli loli, hata ingi yaro na jingi ndeidimagha kulaghaya.

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 41:26

Nani oreghighorieghe agha kufuma koicho eri dipate kughimanya angu ughilodere imbiri ya ngelo nesi dighambe, ‘Waghorie loli?’ Ndekuwadie ungi ughorie, hata ndekuwadie ungi usikire malagho ghenyu.

ISAYA 41:3

Wadawinuga na kuida banana, ukiida chienyi useiidie jingi.

ISAYA 42:24

Nani ukumbie wana wa Jakobo mikonunyi kwa mnoni, na Israeli kwa viting'a? Welee, si BWANA uo werem'bonyerieghe kaung'a? Uo wisereghendieghe kwa chia rake, na uo wiserewadieghe sharia rake?

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 43:13

Ini ne Mlungu, nani neko Uo moni. Ndekuwadie mndungi udimagha kukira kufuma mkonunyi kwapo; nadabonya kazi mndungi usedimagha kuitangala.”

ISAYA 46:10

Kufuma kala nadaghora maza richagha imbiri risechee, maza righorelo kon kala uko risebonyekie; ngighamba ‘Njama rapo richadua, na mipango yapo nichaikatisha;’

ISAYA 48:12

“Nisikire ini ee Israeli, kivalwa cha Jakobo neremmbangieghe! Ni ini Mlungu, ne wa imbiri na wa kutua.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WUFUNUO 2:8

“Na malaika wa ikanisa ja Simurna kumuandikie huwu: ‘Agha ni malagho gha uo wa imbiri na wa kutua, uo orefueghe na kukaia moyo sena.

WUFUNUO 22:13

Ini ne Alfa na Omega, wa imbiri na wa kutua; uko kuzoya na uko kutua.