ISAYA 41:2 - Biblia Ilagho Jiboie Kwa Wandu Wose

² “Nani umnyavurishire mndumu kufuma mashariki, na kum'bonya usimeghe kula andu? Waribonya mbari ra wandu righo imbiri kwake, na wazuri kusimwa hata wikaie aisi yake. Wadawighusha andonyi kwa lufu lwake karakara na teri, na kuwiwinga kwa ndana yake karakara na matasa ghidukwagha ni mbeo.

ISAYA 41:2 ပူးပေါင်းရင်းမြစ်များ

KUZOYA 11:31

Nao Tera ukawuka na mwana wake Abramu na wawae Loti mwana wa Harani na mka-mwanwake Sarai, muka wa Abramu, nawo wikaghendanya cha Kanaani kufuma muzi ghwa Uri ya Wakalidayo, ela iji werevikieghe Harani wikakaia aho.

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

2 WAZURI 13:7

Mndungi wa ijeshi ja Jehoahazi nderesigharikieghe, ela wajoki farasi mirongo misanu, magare ikumi na masikari gheghenda na maghu elfu ikumi; kwa kukaia awo wazima werekoghe wose watoteshwa ni mzuri wa Siria, kwa kuwifasha-fasha sa teri.

2 MALAGHO GHA NGELO 36:23

“Ini mzuri wa Pashia naghamba kukaia, BWANA uo Mlungu wa mlungunyi waninekie mawuzuri ghose gha ndoenyi, nao wanilaghirie nimuaghie Hekalu Jerusalemu andenyi ya isanga ja Juda. Mndungi uo ose wa wandu wake uko aghadi konyu ndejoke aho, na BWANA Mlungu wake ndekaie andwamweri nao.”

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

ISAYA 40:24

Wakaia karakara na miwalwa, angu mbeu rawalwa wokoni; imbiri riseserie miri woruwu, BWANA wawetesha mbeo aighu yaro, nayo yaoma na kiremba chaiduka noko sa itasa.

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

ISAYA 41:3

Wadawinuga na kuida banana, ukiida chienyi useiidie jingi.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

ISAYA 45:13

Ni ini nimmbusirie Koreshi kwa hachi nani nicham'bonya upate kuwona nicha kwa chia rake rose; nao uchaagha wuwishi muzi ghwapo ghwa Jerusalemu, na kuwifungua wafungwa wapo, kuseko na zoghori hata inosi jingi.”

ISAYA 46:11

Naawuyawanga nyonyi eja nyama kufuma mashariki, uo mundu okatisha makusudi ghapo kufuma isanga ja kula. Namerie kujighora, najo jichakaia; namerie kujipanga, nani nichajikatisha.

ISAYA 48:15

Ni ini, ee, ni ini moni nighighorie na kummbanga, namredie, nao uchawona nicha kwa chia rake.

KILILO CHA JEREMIA 1:15

“BWANA wawisekie masikari ghapo ghose ghiwadie ndighi; wadumie ijeshi jinone wandu wapo wa irika, wawifashire wandu wapo sa zabibu rakumbwa kidunyi.

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

WUFUNUO 16:12

Nao malaika wa karandadu ukawada bakuli yake, na kudia aighu ya ugho moda m'baa ghuwangwagha Eufrate, na machi gharo ghikaoma; chia ipate kuboiswa kwa wundu ghwa wazuri wifumagha cha mashariki.

WUFUNUO 7:2

Ngawona malaika umu sena, ukisea kufuma aja iruwa jibukiagha, uko na muhuri ghwa Mlungu uko moyo; nao ukawiwanga kwa lwaka lubaa awo weke malaika bana werenekeloghe ndighi rebonya ndoe na bahari ilagho;