ISAYA 41:17 - Biblia Ilagho Jiboie Kwa Wandu Wose

¹⁷ “Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.

ISAYA 41:17 ပူးပေါင်းရင်းမြစ်များ

KUZOYA 28:15

Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”

1 WAZURI 17:8

Niko BWANA ukamzera Elija,

2 MALAGHO GHA NGELO 6:17

Kwa huwo idana ee BWANA, Mlungu wa Israeli, kujibonye ilagho jako koremlaghirieghe mdumiki wako Daudi jikatie.

ZABURI 22:15

Irangi japo jaoma sa luwigha; lumi lwapo lwakakadiana na lwasasa, na oho kwanirarisha terinyi nifue.

ZABURI 34:6

Uo mundu mkiwa orewangieghe, BWANA ukamsikira; ukamkira na wasi ghwake ghose.

ZABURI 37:25

Nerekoghe mwana na idana naghosia; ela jingi simmbonie mhachi ungi usighilo ni Mlungu, angu wana wake wikilomba vindo.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 74:21

Kusakewisigha awo wikorongwagha wifusho waya, wakiwa na awo wisowagha ndewikase irina jako.

ZABURI 94:14

BWANA ndechaawisigha wandu wake, hata ndechaada ifwa jake anduangi.

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

KUFUMA 17:6

Ola nichakaia kimusi imbiri kwako aighu ya igho aja Horebu, na oho kuchajikaba igho, najo jichafunya machi, wandu wipate kunywa.” Musa ukabonya woruwo waghosi wa Waisraeli wikiwona.

ISAYA 30:19

Inyo wandu wa Sioni, mkaiagha Jerusalemu, ndemchaalila sena. Kwa kukaia Mlungu uchakaia na wughoma aighu enyu loli. Iji mwamkemia umtesie, uchamsikira na kumtumbulia.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 43:20

Nyamandu ra isakenyi richanineka ishima, mizozo hata nyagha, angu nareda machi kireti, na meda ikarenyi; na kuwineka machi wandu wapo wisaghulo.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 48:21

Iji orewighenjereghe kireti, ndewerewonieghe kau ingi; orebonyereghe machi ghifume ighonyi, orebarieghe igho, na machi ghikafuma.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

ISAYA 58:11

Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

ISAYA 65:24

Nichawidika imbiri wiseniwangie, na hata iji wisemerie kunilomba nichakaia nameria kusikira.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

KILILO CHA JEREMIA 4:4

Wasigha wana wawo wifo kwa njala na kau; wana walomba vindo, ela ndekuwadie ungi owineka.

EZEKIELI 47:8

Ukanizera, “Machi agha ghaawuyasea nokoisi cha isanga ja mashariki, na kuida cha Araba; na iji ghangia andenyi ya Bahari ya Chumbi, ghichahoresha agho machi gha bahari.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

2 WAKORINTHO 12:9

ela ukanizera, “Mvono ghwapo ghwakukate, angu ndighi rapo radakatishwa andenyi ya wunyonge.” Kwa wundu ugho, nichachuria kukukasa kwa kuboilwa andenyi ya wunyonge ghwapo, eri ndighi ra Kristo riduo andenyi kwapo.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.