ISAYA 41:16 - Biblia Ilagho Jiboie Kwa Wandu Wose

¹⁶ Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 41:16 ပူးပေါင်းရင်းမြစ်များ

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 28:5

Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

ISAYA 29:5

Izungu ja wamaiza wako jichasaghiswa sa teri, na majeshi ghing'etere ghichakimbia; wichakaia kara kara na makozi ghawusirwa ni kikulughulu. Na shwa wori,

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 40:24

Wakaia karakara na miwalwa, angu mbeu rawalwa wokoni; imbiri riseserie miri woruwu, BWANA wawetesha mbeo aighu yaro, nayo yaoma na kiremba chaiduka noko sa itasa.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 65:18

Ela boilonyi mzume kwa kala na kala kwa wundu ghwa agho nighiumbagha; kwa kukaia niaiumbia Jerusalemu maboilo, na wandu waro wichachulwa ni iseko.

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 51:2

nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 51:20

BWANA waghamba, “Babuloni, oho ko nyondo yapo na iswagha ja wuda, nichakutumia kwa kubara-bara mbari ra wandu vipande vipande, na kutotesha mawuzuri.

JEREMIA 51:33

Wandu wa Babuloni wichawadilwa sa viro awazenyi vakachanwa; ngelo yake ekuwida yalighisa, ini BWANA wa majeshi, Mlungu wa Israeli, naghamba.”

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

HOSEA 11:9

Sichaakukaba kwa machu ghapo anduangi; sichaamtotesha Israeli sena, kwa kukaia ini ne Mlungu se mdamu ungi; ini Mweli neko aghadi konyu, na ini sichaamchea na machu.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;