ISAYA 41:14 - Biblia Ilagho Jiboie Kwa Wandu Wose

¹⁴ Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 41:14 ပူးပေါင်းရင်းမြစ်များ

AYUBU 19:25

Ini namanya Mkomboli wapo oko moyo, na kutua uchacha kunivuvua.

AYUBU 25:6

Ni kuchumba saki mdamu uko kivunyu na wana wa wadamu wiko wadudu weni.”

ZABURI 19:14

Madedo ghapo na maririkanyo ghapo ndeghirumirikie imbiri kwako ee BWANA, mlindiri wapo na mkomboli wapo.

ZABURI 22:6

Ela ini ne mng'ori, se mdamu ungi anduangi; niasekwa na kumenywa ni wandu.

ZABURI 46:5

Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

ZABURI 78:35

Wikakumbuka kukaia Mlungu nuo orekoghe mlindiri wawo, uo Mlungu Uo-Uko-Aighu-Nandighi mkomboli wawo.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 47:4

Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 48:17

BWANA, uo Mkomboli wako, Mlungu Mweli wa Israeli waghora huwu: “Ini ne BWANA Mlungu wako, uo ukufundishagha kupate fwaida na kukulongoza kwa iyo chia ifwane kuighendie.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 59:20

BWANA waghamba, “Nichacha Jerusalemu kumkombua inyo kivalwa cha Jakobo, mghalukagha na kusigha makosa ghenyu.

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

JEREMIA 46:27

“Ela msakeobua ee kivalwa cha Jakobo mdumiki wapo, hata msekambo ni chongo ee wandu wa Israeli; angu ola nichamkira kufuma kula, na kivalwa chenyu kufuma wunyikenyi. Wandu wa Israeli wichawuya na kuhora nicha, na mndungi ndechaawiobosha sena anduangi.

JEREMIA 50:34

Mkomboli wawo oko na ndighi, irina jake ni BWANA wa majeshi. Loli ucharizighana maza rawo, upate kureda kuhora ndoenyi; ela kwa wandu wikaiagha Babuloni, uchawisowia kuhora.”

KILILO CHA JEREMIA 3:57

Korenitumbulieghe kukanizera niseobuo.

DANIELI 10:12

Ukanizera, “Kusakeobua Danieli, kwa kukaia kufuma ijo ituku korekufunyireghe kutambukilo, kukakusera imbiri ya Mlungu wako, malombi ghako ghasikiro, niko nacha kwa wundu ghwa malombi ghako.

HOSEA 11:9

Sichaakukaba kwa machu ghapo anduangi; sichaamtotesha Israeli sena, kwa kukaia ini ne Mlungu se mdamu ungi; ini Mweli neko aghadi konyu, na ini sichaamchea na machu.

MATHAYO 7:14

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

LUKA 12:32

“Msakeobua inyo chagha kitini, angu yam'boie Ndeyo onyu kumneka ugho wuzuri.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WUKUMBUSO 7:7

Si angu wei mooka wengi kuchumba wandu wazima ima BWANA ukamkunda na kumsaghua; kwa kukaia inyo moko watini kuchumba wandu wose.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

JOSHUA 17:18

Isanga ja mighondinyi jichakaia jenyu. Hata ngera ni ja msidu mchadema icho kilemba; jipate kuwuya ifwa jenyu kufuma kutua uku hata kutua kuja. Maza ra Wakanaani, mchawiwinga noko, hata ngera weko na magare gha chuma na kukaia na ndighi.”

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.