ISAYA 41:13 - Biblia Ilagho Jiboie Kwa Wandu Wose

¹³ Kwa kukaia Ini Bwana Mlungu wako, nichakumaziria kwa mkonu ghwapo ghwa kiwomi; ni Ini nighoragha, ‘Kusakeobua, Ini nichakutesia.’”

ISAYA 41:13 ပူးပေါင်းရင်းမြစ်များ

ZABURI 109:31

kwa kukaia wadamdederia uo usowagha, na kumkira na wandu wimtanyagha kufwa.

ZABURI 118:7

BWANA oko andwamweri nani uchanitesia; nichawiwona wamaiza wapo wimerie kusimwa.

ZABURI 63:8

Nawadana na oho kukanimaziria.

ZABURI 73:23

Elaima nekwanye na oho tulituli; kwawuyaniwadia mkonu ghwapo ghwa kiwomi.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 43:6

Nichaizera kaskazinyi, wilekerie, na kusinyi nichaizera, Kusakewighiria! Redenyi wana wapo wa womi na wa waka kufuma aho kula kutuonyi kwa ndoenyi,

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

ISAYA 51:18

Aghadi ya wana wako wose kuwivae, ndekuwadie ungi wa kukulongoza, ndekuwadie hata mwana ungi wa awo kuwilelie uchaakuwadia mkonu.

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 46:27

“Ela msakeobua ee kivalwa cha Jakobo mdumiki wapo, hata msekambo ni chongo ee wandu wa Israeli; angu ola nichamkira kufuma kula, na kivalwa chenyu kufuma wunyikenyi. Wandu wa Israeli wichawuya na kuhora nicha, na mndungi ndechaawiobosha sena anduangi.

HAGAI 2:5

Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.