ISAYA 41:11 - Biblia Ilagho Jiboie Kwa Wandu Wose

¹¹ “Ola awa wikubonyeragha machu, wichafushwa waya; awo wifungagha ndighi kulwa na oho, wichawuya si kilambo chingi, nawo wichatota.

ISAYA 41:11 ပူးပေါင်းရင်းမြစ်များ

KUFUMA 11:8

Na awa wadumiki wako wose wichacha na kunighoghomia wikighamba, ‘Fuma noko na wandu wako mghende.’ Niko aho nichaghenda.” Musa ukafuma kwa Farao wajokwa ni machu mabaa loli-loli.

KUFUMA 12:29

Nao kio ghadi, BWANA ukawibwagha wavalwa wa imbiri wose wa isanga ja Misri, kufuma mvalwa wa imbiri wa Farao, uo oseria kifumbi chake cha nguma, hata mvalwa wa imbiri wa mfungwa uko kifungonyi, chiaimweri na wavalwa wa imbiri wa mfugho wokoni werefueghe.

KUFUMA 23:22

Ela kukamsikira na kubonya agho nikulaghiragha, nichalwa na wamaiza wako wose.

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

ISAYA 29:5

Izungu ja wamaiza wako jichasaghiswa sa teri, na majeshi ghing'etere ghichakimbia; wichakaia kara kara na makozi ghawusirwa ni kikulughulu. Na shwa wori,

ISAYA 29:7

Niko aho izungu ja majeshi gha iro mbari rawuyalwa na Jerusalemu, wose wichalaghaya kara kara na ndodo, ee, sa agho mawono gha nakio.

ISAYA 29:8

Wichakaia sa iji koni mundu uko njala ulodagha wei waawuyaja, ela ukawuka uchakua njala yake iko wokoni. Uchakaia karakara na mundu uko kau ulodagha wei waawuyanywa machi, ela ukawuka uchakua ooka kau wokoni. Huwo niko iro mbari rilwagha na Mghondi ghwa Sioni richaakaia.

ISAYA 34:12

Ndekuchaakaia na mzuri ungi aho, na wabaa waro ndewichaawoneka.

ISAYA 40:17

Mbari rose ra wandu si kindo chingi imbiri kwake, kwake ratalwa kukaia wuduu putu.

ISAYA 40:2

Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 41:24

Olenyi inyo ndemokilambo chingi, na kazi renyu nderiko; uo umtasagha inyo ni mchafu.

ISAYA 41:29

Ola i milungu yose ni ya duu, ndeiwadie kazi ingi; milungu yawo echana ni kazi nduu.”

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 49:25

Hee loli, waghamba BWANA, “Wandu widwalo wunyika wa mundu uwadie ndighi, hata wafungwa wa mng'eti wichakombolwa. Kwa kukaia nichalwa na awo wilwagha na oho, nani nichawikira wana wako.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 54:15

Mndungi ukakufunya kulwa na oho, ugho wuda ndeghufumie kwapo; uo ose uchaabonya wuda na oho uchaghwa moni.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

JEREMIA 12:17

Ela ikakaia mbari ya wandu ingi ichalegha kusikira, niko nichaifunya putu na kuitotesha,” waghamba BWANA.

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

MABONYO GHA WADUMI 16:39

Niko wikacha na kuwilomba wughoma, wikawifunya jela, na kuwilomba wifume ghuja muzi.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.