ISAYA 41:10 - Biblia Ilagho Jiboie Kwa Wandu Wose

¹⁰ Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 41:10 ပူးပေါင်းရင်းမြစ်များ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

KUZOYA 26:24

Nao BWANA ukamfutukia icho kio cheni ukamzera, “Ini ne Mlungu wa ndeyo Abrahamu, kusakeobua angu ini neko andwamweri na oho, nani nichakurasimia na kuchichuria kivalwa chako kwa wundu ghwa mdumiki wapo Abrahamu.”

KUZOYA 31:5

ukawizera, “Naawuyawona ndeyo ndewuyeniwona nicha sa iji orekoghe kiimbiri. Ela Mlungu wa aba orekoghe andwamweri nani.

KUZOYA 49:24

Ela ndana yake uo erekoghe imange, na mikonu yake erebonyeroghe kukaia na ndighi, kwa kudima kwa Uo-Uwadie-Ndighi wa Jakobo, kwa irina ja Mlisha, nao ni Mbanga ya Israeli;

2 SAMUELI 22:19

Werekoghe wanichea ngelo ya wasi ghwapo m'baa, ela BWANA nuo orekoghe saghi yapo.

1 MALAGHO GHA NGELO 12:18

Niko Roho wa Mlungu ukamseria Amasai m'baa wa waja mirongo idadu, nao ukaghamba, “De wandu wako ee Daudi; Dekwanye ee mwana Jese! Ni sere, kaia na sere, na watesia wako wikaie na sere! Angu Mlungu wako wadakutesia.” Niko Daudi ukawiwada, ukawibonya wabaa wa majeshi ghake.

2 MALAGHO GHA NGELO 20:17

Inyo ndemchaalwa ughu wuda; wadenyi wulalo ghonyu, nenyo mchawona seji BWANA umnekagha wusimi ee wandu wa Juda na Jerusalemu. Msekambo ni chongo; wifumienyi kesho, na BWANA uchakaia andwamweri nenyo.”

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

ZABURI 144:11

Kunikire na wamaiza wapo wing'etere; nivuvuo kufuma mikonunyi kwa waghenyi, wiseghoragha loli jingi, wadaghora tee hata kwa kughema.

ZABURI 144:8

Ndewighoragha loli jingi; wadaghora tee hata kwa kughema.

ZABURI 145:14

BWANA wawiwadia awo wiambaa wigho, na kuwiwusira awo wighue.

ZABURI 147:12

Mkase BWANA, ee Jerusalemu! Mkase Mlungu wako ee Sioni!

ZABURI 18:36

Oho kwaishabue chia mbaa eidiria, eri nisewinike.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 29:11

BWANA ndewineke ndighi wandu wake, BWANA ndewirasimie wandu wake kwa kuwineka sere.

ZABURI 33:12

Yarasimilwa iyo mbari im'bonyere BWANA ukaie Mlungu wawo; wandu uwisaghue wikaie ifwa jake.

ZABURI 37:17

Kwa kukaia BWANA uchariinja ndighi ra wawiwi, ela uchawimaziria wahachi.

ZABURI 37:24

Ukeduakuwa, ndechaaghwa; kwa kukaia BWANA uchammazira kwa mkonu ghwake.

ZABURI 41:12

Kwanimazirie kwa wundu ghwa wucha ghwapo, na kuniwika imbiri kwako kwa kala na kala.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 63:8

Nawadana na oho kukanimaziria.

ZABURI 65:5

Oho kwadaditumbulia kwa kudineka wusimi kwa chia ya mabonyo ghako gheobosha, ee Mlungu wa kukia kodu; oho kuko isuwirio ja ndoenyi kose, na andu kuko kula na ndighi kwa bahari.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 37:6

Isaya ukaghamba, “Mzerenyi bwana onyu huwu, BWANA waghamba, ‘Kusakeobua kwa wundu ghwa agho malagho kwaghisikira seji nasholelwa ni wadumiki wa mzuri wa Waashuru.

ISAYA 43:5

Kusakeobua, angu ini neko andwamweri na oho, nichareda kivalwa chako kufuma mashariki, na kuwikwanya kufuma magharibi.

ISAYA 44:2

Ini ne BWANA uo orekuumbieghe, nakuteserie kufuma kuvalwa kwako. Kusakeobua Israeli oho ko mdumiki wapo, wandu wapo niwisaghue, awo niwikundagha.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 50:9

Olenyi Bwana MLUNGU nuo unitesiagha nani uchaanitala kukaia mkosi? Olenyi wamaiza wapo wose wichasia sa nguwo ijilo ni soya.

ISAYA 52:7

Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

KILILO CHA JEREMIA 3:57

Korenitumbulieghe kukanizera niseobuo.

DANIELI 10:12

Ukanizera, “Kusakeobua Danieli, kwa kukaia kufuma ijo ituku korekufunyireghe kutambukilo, kukakusera imbiri ya Mlungu wako, malombi ghako ghasikiro, niko nacha kwa wundu ghwa malombi ghako.

DANIELI 6:16

Mzuri ukafunya momu Danieli uredo. Nao ukaredwa na kukumbwa andenyi ya kizimba cha shimba. Mzuri ukamzera Danieli, “Mlungu wako uo kumdumikiagha tuli tuli ukukire!”

HOSEA 1:9

BWANA ukamzera Hosea, “Mbange, ‘Si wandu wapo kungi’, kwa kukaia wandu wa Israeli si wapo kungi, na ini se Mlungu wawo kungi.”

HAGAI 1:13

Niko Hagai ukawighoria wandu malagho gha BWANA: “Nalaghira kukaia nichakanya andwamweri nenyo.”

HAGAI 2:5

Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

LUKA 1:13

Ela uja malaika ukamzera, “Kusakeobua Zakaria, kwa kukaia malombi ghako ghasikirikie, na mkako Elizabeti uchakuvaia mwana wa womi, na oho kuchammbanga Johane.

LUKA 1:30

Nao malaika ukamzera, “Kusakeobua Maria, angu kwameria kupata mvono kwa Mlungu.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

2 WAKORINTHO 12:9

ela ukanizera, “Mvono ghwapo ghwakukate, angu ndighi rapo radakatishwa andenyi ya wunyonge.” Kwa wundu ugho, nichachuria kukukasa kwa kuboilwa andenyi ya wunyonge ghwapo, eri ndighi ra Kristo riduo andenyi kwapo.

WAEFESO 3:16

ngimlomba umneke mundu onyu wa ndenyi ndighi ra Roho wake, karakara na wungi ghwa mali ra wubaa ghwake;

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

WAFILIPI 4:13

Nadima kubonya maza rose kwa uo unidimishagha.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

WATANYI 6:16

BWANA ukamzera, “Ini nichakaia andwamweri na oho, na oho kuchawikaba Wamidiani seji ni mundu umweri.”