ISAYA 40:5 - Biblia Ilagho Jiboie Kwa Wandu Wose

⁵ Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 40:5 ပူးပေါင်းရင်းမြစ်များ

1 WAZURI 14:11

Mundu uo ose wa kichuku chako ukafwa mzinyi uchajighwa ni koshi, na uo ose ufwagha mlambenyi, uchajighwa ni nderi; kwa kukaia ini BWANA najighora ilagho iji.’”

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 102:17

Uchawisikiria wandu wake wisighilo, na kusikira malombi ghawo.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

ZABURI 96:6

Wubaa na ishima vammara chia rose; wudimi na kughoka vaichura Hekalu yake.

ZABURI 97:6

Mlungunyi kwaeresha hachi yake, na wandu wose waghuwona wubaa ghwake.

KUFUMA 16:7

Na luma lwa nakesho mchaghuwona wubaa ghwa BWANA, angu wasikira mazughunuko ghenyu mwam'bonyera. Isi deko kii hata mudizughunukie?”

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 26:15

Ela oho kwamerie kuchuria iyo mbari ya wandu ee BWANA, kwamerie kuchuria iyo mbari yedu; kwamerie kuichura mano yedu na idana kwaawuyakaswa.

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 40:4

Kula vololo ichachurwa, na mighondi mibaa na mitini ichaserwa andu kunonekie kuchadendereshwa, na aho kuzamie kuchaghokeshwa.

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 58:14

niko aho kuchaaboilwa andenyi kwapo ini BWANA, nani nichakubonya kukaie nicha ndoenyi; sena nichakughudisha na ifwa ja ndeyo Jakobo, kwa kukaia ini BWANA najighora ilagho iji.”

ISAYA 6:3

Wikawangana weni na weni wikighamba, “Mweli, mweli, mweli, ni BWANA wa majeshi, ndoenyi kose kwachua wubaa ghwake.”

ISAYA 60:1

Wuka ee Jerusalemu kung'ale-ng'ale, angu mwengere ghwako ghwameria kucha; na wubaa ghwa BWANA ghwameria kukaia aighu kwako.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

JEREMIA 32:27

“Ola ini ne BWANA, uo Mlungu wa wadamu wose; jeko ilagho jingi jisedimikagha kwapo?

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

JOELI 2:28

“Konyuma nichawidiria wandu wose roho wapo; wana wenyu wa womi na wa waka wichafunya ilagho japo. WAGHOSI wenyu wichaloda ndodo, na wandu wenyu wa irika wichawona mawono.

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

LUKA 3:6

na kula mundu uchawona kukia kwa Mlungu.’”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

MABONYO GHA WADUMI 2:17

‘Huwu niko ichaakaia matuku gha kutua mbai, waghamba Mlungu, nichawidiria wandu wose Roho wapo; wana wenyu wa womi na wa waka wichafunya wulodi, na wandu wenyu wa irika wichawona mawono, na waghosi wichaloda ndodo.

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.