ISAYA 40:31 - Biblia Ilagho Jiboie Kwa Wandu Wose

³¹ ela awo wimmbeseragha BWANA wichapata ndighi mbishi, wichajoka kwa mawawa sa indu, wichakimbia nawo ndewichaasilwa, wichaghenda kuseko na kudumbuka anduangi.

ISAYA 40:31 ပူးပေါင်းရင်းမြစ်များ

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 103:5

Wadanighudisha na vindo vicha, eri nikaie mkoo niko na ndighi sa indu.

ZABURI 123:2

Sa iji koni mdumiki umzighaniragha bwana wake, na mdumiki wa waka umzighaniragha bibi wake, ni huwo koni na isi dikuzighaniragha oho BWANA Mlungu odu, hata kudifuye wughoma.

ZABURI 138:3

Ituku nerekuwangieghe, korenitumbulieghe; kukanichuria ndighi ra kiroho.

ZABURI 20:9

Mneke mzuri wusimi ee BWANA, na iji dawanga, kuditumbulie.

ZABURI 25:21

Wucha ghwapo na ishima japo ndeviniwike nicha; naawuyakusuwiria oho.

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 25:5

Kunifundishe niduo moyo kunughana na loli yako. Angu oho ko Mlungu Mkiri wapo; nadakusuwiria oho matuku ghose.

ZABURI 37:34

Msuwirie BWANA, kukatishe malaghiro ghake. Uchakujosa kwa kukuneka isanga; na oho kuchawona wawiwi wikifunywa noko.

ZABURI 40:1

Neremmbesereghe BWANA kwa irumaghio unitesie, ukanideghia kudu kwake na kusikira kililo chapo.

ZABURI 84:7

Wachuria kupata ndighi wikighenda; hata kula umu uwoneke imbiri ya Mlungu Sioni.

ZABURI 84:8

Ee BWANA Mlungu wa majeshi, sikira malombi ghapo; nisikirie ee Mlungu wa Jakobo.

ZABURI 92:1

Ni nicha kukufunyira chawucha ee BWANA, kukuboria makaso oho Kuko-Aighu-Nandighi;

ZABURI 92:13

Weeka sa midi iwalo andenyi ya nyumba ya BWANA, wideghedekagha andenyi ya Hekalu ya Mlungu odu.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

MAKATANISHO 30:19

seji indu iburukagha mawingunyi, seji choka ighendagha a maghonyi, seji meli ighendagha aghadi ya baharinyi, na seji mdawana na mwai wikundanagha.

LUMBO 8:5

Nani uja uchagha kufuma kireti, wawadiana na mkundwa wake? Nedekuwusira kuko aisi ya mudi ghwa matunda, andu mayo orekuamieghe, ukakumba lufu na kukuva.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 41:1

Mlungu waghamba huwu, “Nyamenyi kima imbiri kwapo inyo wandu wa masanga gha pwani, Wandu ndewikufungishe ndighi, ndewiche wighore ndedisoghode kaavui diwose ditanyo.

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

JEREMIA 48:15

Moabu chiaimweri na mizi yake wameria kuchelwa ni Mnoni; wandu wake wa irika orewisaghueghe wasea kubwaghonyi, ini Mzuri, niwangwagha BWANA wa majeshi naghamba.

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

LUKA 18:1

Niko Jesu ukawighoria wanughi wake mfwano ughu ghuwonyeragha kukaia yawifwana kufunga ndighi kulomba Mlungu, hata wisefo ngolo.

WAROMA 8:25

Ela ngera dasuwiria icho disewuechiwona, dachiweseria kwa kurumaghia.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

2 WAKORINTHO 4:16

Kwa huwo, ndedifwagha ngolo. Angu hata ngera mumbi ghodu ghwa asili ghwaawuyasia, ela asili edu ya kiroho yaawuyabonywa wuwishi ituku ituku.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WUKUMBUSO 32:11

Seji indu ifundishagha vanga vake kuburuka, ukiwiwadia nicha amawawenyi ghake ghaghorolwa, ni huwo koni BWANA uimaziriagha Israeli isegho.

WUKUMBUSO 33:25

Mbenge ra mizi yake rederughwagha na vuma, matuku ghose odekaiagha banana.”

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

WAEBRANIA 12:3

Mtalenyi uo orerumaghieghe kutangalwa kung'ane huwu ni wakaung'a, eri msechesilwa ni ndighi angu kufwa ngolo.

JOSHUA 14:11

Naduagha na ndighi sa iji koni neredumwagha ni Musa, naduagha na ndighi relwa wuda, na hata rebonya ilagho ijo jose.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

WUFUNUO 2:3

Namanya angu kwawuyarumaghia luma kwa wundu ghwapo hata ndekusilwagha ni ndighi.

WUFUNUO 4:7

Nyamandu ya imbiri erekoghe sa shimba, nyamandu ya kawi, erekoghe sa ng'ombe, nyamandu ya kadadu, erekoghe na wushu sa ghwa mdamu, na nyamandu ya kana, erekoghe sa indu iburukagha.

WATANYI 16:28

Niko Samsoni ukammbanga BWANA ukaghamba, “Ee BWANA Mlungu, kunikumbuke; nakulomba kunichure ndighi iji indo jimweri tu; nakulomba ee Mlungu, nipate kulipa kisasi kwa awa Wafilisti, kwa wundu ghwa meso ghapo awi.”