ISAYA 40:30 - Biblia Ilagho Jiboie Kwa Wandu Wose

³⁰ Wadawana wichadumbuka na kusilwa ni ndighi, na wandu wa irika wichaghwa kwa wundu ghwa kusilwa;

ISAYA 40:30 ပူးပေါင်းရင်းမြစ်များ

ZABURI 33:16

Wusimi ghwa mzuri ndeghuredwagha ni ijeshi jake ibaa, hata ing'oni ndejikirwagha ni ndighi rake nyingi.

ZABURI 34:10

Wana wa shimba wasowagha wikaie njala, ela awo wimlolagha BWANA, ndewisowagha kindo chingi chiboie anduangi.

ZABURI 39:5

Kwaghibonyere matuku ghapo ghikaie matini; ngelo yapo ekaia moyo si kindo chingi kwako. Loli kula mdamu ni mruke mduu.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 13:18

Wichabwagha wandu wa irika kwa ndana na mawanu ghawo. Ndewichaakaia na wughoma gungi kwa wana wiongagha, hata kuwiwonia wughoma wana watini.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

JEREMIA 48:15

Moabu chiaimweri na mizi yake wameria kuchelwa ni Mnoni; wandu wake wa irika orewisaghueghe wasea kubwaghonyi, ini Mzuri, niwangwagha BWANA wa majeshi naghamba.

JEREMIA 6:11

Kwa huwo nachulwa ni machu gha BWANA; Ilagho ja BWANA janisira ndighi kujiwadia.” BWANA ukanizera, “Dia agho machu ghapo kwa wana chienyi, na wokoni andenyi ya makwanyiko gha wandu wa irika. Womi wilowue na waka wilowolo wichadwalwa chiaimweri, na waghosi na awo wighosere nandighi; hata ungi ndechaasighwa.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

AMOSI 2:14

Mundu ukimbiagha na iseghe, ndechaakirwa ni iseghe jake; na uo uko na ndighi, uchateweleka; hata uo uko na kudima ndechaakukira moni anduangi.

1 SAMUELI 30:10

Ela Daudi chiaimweri na wandu maghana ana wikachuria kuwinugha. Wandu maghana awi werekoghe wasilwa nandighi wikasigharika aho kamoda ka Besori.