ISAYA 40:26 - Biblia Ilagho Jiboie Kwa Wandu Wose

²⁶ Zighanenyi nokoighu cha mlungunyi! Nani uumbie iro nyerinyeri muriwonagha? Uo urighenjagha sa ijeshi wariichi mtalo ghwaro; nao wadariwanga kula imu kwa irina jake. Ndighi rake ni mbaa loli loli, hata ingi yaro na jingi ndeidimagha kulaghaya.

ISAYA 40:26 ပူးပေါင်းရင်းမြစ်များ

KUZOYA 1:14

Mlungu ukaghamba, “Miengere ndeikaie aighu mawingunyi, ipate kutanya kio na dime, na kuwonyera alama, vimu, matuku, na miaka;

KUZOYA 1:16

Nao Mlungu ukabonya miengere mibaa iwi, ugho mwengere m'baa ghuibonyere dime nguma, na ugho mtini ghubonyere kio nguma, ukabonya na nyerinyeri wokoni.

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 119:91

Vilambo vose vadakaia kwa nguma rako hata idime; vose vadakudumikia.

ZABURI 121:1

Nazighana cha mighondinyi. Wutesia ghwapo ghufuma hao?

ZABURI 19:1

Mawingunyi kwafunukua wubaa ghwa Mlungu, nako kwawonyera worinyi kazi ra mikonu yake.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 48:12

“Nisikire ini ee Israeli, kivalwa cha Jakobo neremmbangieghe! Ni ini Mlungu, ne wa imbiri na wa kutua.

ISAYA 48:13

Mkonu ghwapo nigho ghorebonyereghe msingi ghwa ndoenyi, ee, mkonu ghwapo ghwa kiwomi ghukawika mlungunyi; ngawanga mlungunyi na ndoenyi riawuka kimusi shwa wori.

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.