ISAYA 40:22 - Biblia Ilagho Jiboie Kwa Wandu Wose

²² kukaia, wurumwengu ghodeumbwa ni uo ukaiagha mawingunyi naighu, na kwake, wandu wikaiagha wurumwengunyi ni karakara na weke mwapazi? Wadakuchua mlungunyi sa pazia, na sa hema ekailwa ni wandu.

ISAYA 40:22 ပူးပေါင်းရင်းမြစ်များ

KUZOYA 1:6

Mlungu ukaghamba, “Mawingu ndeghikaie ghadi na ghadi ya machi, ghighiwaghanye mafungu awi.”

AYUBU 22:14

Oofinikirwa ni mawingu mabaa, usedimagha kudiwona ingelo wawuyaghenda a kichechemukonyi cha mawingunyi.’

AYUBU 26:7

Mlungu wakuchua mawingunyi cha kaskazinyi aighu ya andu kuduu, na kuwanika ndoenyi kuseko na andu kowanikia.

AYUBU 36:29

Nani uichi seji Mlungu usasaragha mawingu, na seji lukuwa lukabagha kufuma kwake?

AYUBU 37:18

Kwadima kumtesia Mlungu kuala mawingunyi, kukaie sa kilole chichanilo cha shaba?

AYUBU 9:8

Nuo moni uekeri orealieghe mlungunyi, na kuwadia mivo-mivo ya bahari.

ZABURI 104:2

Kwadarwa mwengere sa nguwo, kwawikie mlungunyi sa hema.

ZABURI 18:11

Orekuvisireghe kirenyi; mawingu ghikambie ghichue machi, ghikammara chia rose.

ZABURI 19:4

Ela sena malagho gharo ghaera ndoenyi kose, hata kutua kwa wurumwengu. Andenyi yaro, Mlungu wajiwikie iruwa;

ZABURI 2:4

BWANA, uo uko kidombo kifumbinyi cha nguma mlungunyi waawuyaseka, na kumenya malagho ghawo.

ZABURI 29:10

BWANA waghibonyere machi ghimilie nguma wasea kidombo kifumbinyi cha nguma ukikaia mzuri kwa kala na kala.

ZABURI 68:33

uo ughendagha na mawingu, agho mawingu gha kala; ola wadeda na lwaka lubaa luwadie ndighi.

MAKATANISHO 8:27

Iji orewikagha mlungunyi nerekoghe aeni, iji orewikagha mstari kutuonyi kwa bahari,

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 37:16

“Ee BWANA wa majeshi, Mlungu wa Israeli, kukaiagha aighu ya kifumbi cha nguma naighu ya makerubi; ni oho kuekeri Mlungu kuko aighu ya mawuzuri ghose gha ndoenyi, na ni oho kuumbie mlungunyi na ndoenyi.

ISAYA 40:15

Olenyi iro mbari ra wandu ni karakara na itanda ja machi jatonya andenyi ya ndoo, na wandu watalwa sa teri yakakadia sahani ya ratili; na visiwa ni sa teri mkonunyi kwake.

ISAYA 40:17

Mbari rose ra wandu si kindo chingi imbiri kwake, kwake ratalwa kukaia wuduu putu.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?

JEREMIA 10:12

Ela BWANA oreumbieghe ndoenyi kwa ndighi rake, uo umangishire wurumwengu kwa hikima yake, na kwa kumanya kwake, ukaala mlungunyi.

ZEKARIA 12:1

Agha ni malagho gha BWANA aighu ya Israeli: BWANA, uo ualie mlungunyi, ukaumba ndoenyi, na kumneka mdamu irangi waghamba huwu:

MITALO 13:33

Aho dawiwonie Wanefilimu (Wana wa Anaki, kivalwa cha Wanefilimu) nesi dikaakuwona diweni sa weke mwapazi; nawo niko koni werediwonieghe.”