ISAYA 40:18 - Biblia Ilagho Jiboie Kwa Wandu Wose

¹⁸ Idana, Mlungu kuchamfwananisha nani? Angu kwadima kughora wafwane wada?

ISAYA 40:18 ပူးပေါင်းရင်းမြစ်များ

AYUBU 40:9

Kwawadie ndighi sa rapo? Kwadima kudeda na lwaka lubaa sa lwapo?

ZABURI 113:5

Ndekuwadie ungi uko sa BWANA Mlungu odu. Wadakaia ighu koighu,

ZABURI 89:6

Nani uko mlungunyi udimagha kufwananishwa na BWANA? Nani wa awo wiko mlungunyi ufwanane nao?

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

ZABURI 89:8

Ee BWANA Mlungu wa majeshi, nani uko na ndighi sa oho ee BWANA; oho koko mloli kwa maza rose.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 20:4

“Kusakekubonyera kumoni fwana ingi iwachilo, angu kilambo chingi chifwananagha na kilambo chiko aighu mlungunyi, angu chiko ndoenyi aisi, angu machinyi ghiko ndoenyi nakosi;

KUFUMA 8:10

Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

ISAYA 40:25

Mlungu Mweli ufwananishwa nani? Oko ungi ufwanane nao?

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 46:5

“Kunifwananisha na kunikatanisha nani?” Waghamba BWANA, “Kwawuyanifwananisha nani diwone fwanana?

ISAYA 46:9

Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.

JEREMIA 10:1

Sikirenyi ilagho ja BWANA ughoragha nenyo ee wandu wa Israeli.

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

MABONYO GHA WADUMI 17:29

Kwa kukaia deko wana wa Mlungu, ndeidifwane digheshe wei Uo ooka sa dhahabu, angu feza, angu igho jiwachilo kwa wuya na maghesho gha mdamu.

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

WUKUMBUSO 4:15

“Iji BWANA oreghorieghe nenyo andenyi ya modo aighu ya Mghondi ghwa Sinai, ndemorewonieghe fwana ingi. Kwa huwo mkulindie mmbeni;

WAKOLOSAI 1:15

Kristo ni fwana ya Mlungu usewonekagha, nao ni wa imbiri kuvalwa wa ivo vilambo viumbilo vose.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.