ISAYA 40:10 - Biblia Ilagho Jiboie Kwa Wandu Wose

¹⁰ Wonenyi Bwana MLUNGU uacha kubonya nguma kwa ndighi, na mafungu ghake waghiwadie kwa wundu ghwa wandu wake.

ISAYA 40:10 ပူးပေါင်းရင်းမြစ်များ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

ZABURI 110:6

Uchatanya wandu wa mbari zima, na kubwagha wandu wengi aghadi kwawo, uchawisima wabaa wa ndoenyi kose.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

ISAYA 63:5

Nerezighanireghe ngilola, ela serewonieghe mndungi onitesia, ngangilwa ni kiture, ela ndekorekoghe na mndungi oniwadia mkonu; niko huwo lubio lwapo lukaniwusira, ngakupatira wusimi kwa mkonu ghwapo ghoni.

JEREMIA 31:16

Leka lila, aghia mbori; kwa kukaia kazi kubonyere kwa wana wako ichapata malipo; nawo wichawuya kufuma isanga ja m'maiza.

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 12:13

Wikafuma kummara wikidwa masawi gha mitende, na kukasa kwa lwaka wikighamba, “Hosana! Warasimilwa uo uchagha kwa irina ja Bwana. Nderasimilo Mzuri wa Israeli.”

JOHANE 12:15

“Kusakeobua oho muzi ghwa Sioni; Ola Mzuri wako uacha, wajoka aighu ya mwana wa punda!”

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

WUFUNUO 22:12

“Olenyi niacha kafwani, niko na mafungu ghapo, nimlipe kula mundu karakara na seji ubonyere.