ISAYA 4:4 - Biblia Ilagho Jiboie Kwa Wandu Wose

⁴ ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 4:4 ပူးပေါင်းရင်းမြစ်များ

ZABURI 51:2

Kunioghoshe kiwiwi chapo putu, kunieleshe kaung'a yapo.

LUMBO 3:11

Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 1:25

Nichammbwada kwa mkonu ghwapo, na kumuoghosha sa chuma; nichamuelesha seji chuma chieleshwagha kwa modo; na kuinja wuwiwi ghonyu ghose.

ISAYA 1:31

Mundu uwadie ndighi uchakaia sa itasa na kazi rake sa sisia ra modo, uchahianya na kazi rake hata mndungi usedime kumrimisha.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 28:6

na roho ya hachi kwake uo utanyagha, na ndighi kwa walindiri wilindiagha mbenge ya muzi isewado ni wandu wa wuda.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

EZEKIELI 22:15

Nichamsaghisa aghadi ya iro mbari ra wandu, na kumsasara masangenyi; nani nichaghumeria putu ugho wuchafu ghonyu ghose.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

EZEKIELI 36:29

Nichamfunya wuchafunyi ghonyu ghose, nani nichalaghira viro vichurikie konyu kwa wungi; hata njala ingi ndeichaakaia konyu sena anduangi.

JOELI 3:21

Nichalipa awo wibwaghilo, hata sichaawifuya wughoma. Kwa kukaia ini BWANA nadakaia Sioni.”

ZEFANIA 3:1

Ni bugha kwa Jerusalemu, muzi ghunonekie ghuleghagha kumsikira Mlungu na kukoronga wandu wake weni.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.