ISAYA 4:2 - Biblia Ilagho Jiboie Kwa Wandu Wose

² Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 4:2 ပူးပေါင်းရင်းမြစ်များ

ZABURI 67:6

Ndoe yafunya mavalo ghake, Mlungu, Mlungu odu wadirasimia.

ZABURI 72:16

Viro ndevikaie isangenyi kwa wungi, ndevidikedike aighu mighondinyi; mavalo gharo ndeghikaie sa gha Lebanoni; wandu wichuo mizinyi wikaie sa nyasi ra mlambenyi.

KUFUMA 28:2

Kubonye marwao gha Wueli gha wukohani kwa wundu ghwa mwanyinyu Haruni; marwao ghighokie gha wubaa.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 26:1

Ngelo iyo, wandu wa isanga ja Juda wichabora lumbo ulu: Deko na muzi ghumange, Mlungu waghuwikia kukia kwake sa ngome imange.

ISAYA 27:6

Matuku ghichagha, kivalwa cha Jakobo chichamanga, wandu wa Israeli wichawona nicha na kubara mbashu, hata wurumwengu ghose ghuchulo ni matunda ghake.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

ISAYA 45:8

Reda mishushure kufuma koighu ee mlungunyi, mawingunyi ndekurede vua ya hachi; ndoenyi ndekutambaruke, kukia kupate kuwoneka, na hachi wori ipate kuwoneka; ini BWANA nerevibonyereghe.

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 60:15

“Sa iji koni korelegheloghe na kumenywa, kukasowa hata mndungi oidiria kwako; niko koni nichaakubonya kuwoneke wa wubaa na kuboilwa kwa kala na kala.

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 33:15

Matuku agho na ngelo iyo, nichabonya umu wa kivalwa cha Daudi ukaie mzuri, nao uchabonya hachi na loli isangenyi.

JEREMIA 44:14

eri mndungi usigharikie wa Juda, awo wichee kukaia isanga ja Misri usefufunuke, angu kukia, angu kuwuya cha isanga ja Juda, ijo wawuyakaia na bea ewuya wiendejikaia; kwa kukaia ndewichaawuya, ela awo wakimbii watini tu niwo wichaawuya.”

JEREMIA 44:28

Na awo wichaafufunuka kubwaghwa wudenyi, wichafuma isanga ja Misri na kuwuya cha isanga ja Juda, watinieri, na masighariko ghose gha wandu wa Juda wereghendieghe cha isanga ja Misri wichamanya ni ilagho jani jiko ja loli, ngera ni japo angu ngera ni jawo.

EZEKIELI 34:29

Nichawineka mbuwa inorie, nawo ndewichaapatwa ni njala sena isangenyi, angu kusholelwa ni iro mbari ra wandu.

EZEKIELI 36:8

“Ela inyo ee mighondi ya Israeli, midi yenyu ichadungia na kubonya mbashu, nayo ichava matunda kwa wundu ghwa wandu wapo Israeli, angu kafwani koni wichaghala.

EZEKIELI 7:16

Na wandu wangi wisigharikagha na kufufunuka, wichakaia aighu mighondinyi sa mbughi ra vololonyi, wikikulilia weni kwa wundu ghwa makosa ghawo.

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

OBADIA 1:17

“Ela kuchakaia na wandu wifufunukagha aighu ya Mghondi ghwa Sioni, na aho kuchakaia andu kwa wueli. Wandu wa Jakobo wichawusa isanga jiko mali yawo cheni.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

ZEKARIA 9:17

Maza richakaia nicha saki! Wandu wa irika wichakaia na ndighi kwa wundu ghwa viro na divei.

MALAKI 3:17

BWANA Uwadie-Ndighi-Rose waghamba, “Wichawuya wandu wapo ituku jija nichaabonya maza iro; wichakaia wapo weni. Nichawifuya wughoma seji ndee mwana umfuyagha wughoma mwana wake umdumikiagha.

MATHAYO 24:22

Na ngera agho matuku ghiserepunguziroghe, kumangu mndungi ndekiagha anduangi; elaima kwa wundu ghwa awo wasaghulwa, Mlungu uchaghipunguza matuku agho.

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

2 PETRO 1:16

Angu ndederenughieghe chughano ridungilo kwa wuya, iji deremmanyishireghe iro ndighi na kucha kwake Bwana odu Jesu Kristo, ela dereghuwonieghe wubaa ghwake na meso ghedu isi diweni.