ISAYA 39:2 - Biblia Ilagho Jiboie Kwa Wandu Wose

² Hezekia ukawikaribisha na kuwiwonyera nyumba ya mali rake; feza, dhahabu, vilungo, mavuda gha zoghori mbaa, maswagha ghake ghose, na ivo vose verekoghe andenyi ya iyo nyumba. Ndekorekoghe na kilambo chingi andenyi ya nyumba yake na andenyi ya wuzuri ghwake ghose userewiwonyereghe.

ISAYA 39:2 ပူးပေါင်းရင်းမြစ်များ

1 WAZURI 10:10

Nao ukamneka Mzuri Solomoni manosi agho oredwaeghe: dhahabu ichumbagha kilo elfu inya, na vilungo vingi nandighi, na lulu. Jingi mndungi ndemnekie mzuri vilungo vingi sa ivo.

1 WAZURI 10:15

kula na iro orekoghe ukipata kufuma kwa wandu wa biashara, na kufuma kwa wazuri wose wa Arabu na wabaa wa isanga.

1 WAZURI 10:2

Orechanyeghe na wadumiki wengi, na ngamila raduka marumba, na dhahabu nyingi na magho gha zoghori mbaa. Hata iji wavika Jerusalemu, ukamghoria Solomoni agho ghose gherekoghe ngolonyi kwake.

1 WAZURI 10:25

Kula umu wawo ukareda manosi gha vilambo va feza na dhahabu; nguwo na maswagha, vilungo na farasi na nyumbu; maza iri rikakaia rikibonyeka mwaka-mwaka.

2 WAZURI 20:13

Hezekia ukawikaribisha na kuwiwonyera mali yake yose ya nyumbenyi kwake, feza, na dhahabu, na marumba na mavuda gha zoghori mbaa, na maswagha ghake, na vilambo vose verekoghe andenyi ya ngome yake ya vilambo na kula kilambo cherekoghe andenyi ya nyumba yake. Ndekuwadie kilambo chingi andenyi ya ngome yake na andenyi ya wuzuri ghwake userewiwonyereghe.

2 MALAGHO GHA NGELO 32:25

Ela Hezekia ukasowa chawucha ingi kwa wundu ghwa ijo orebonyeroghe, angu orekoghe na lukaso. Kwa huwo BWANA ukawibonyera machu uo moni na wandu wa Juda, na Jerusalemu.

2 MALAGHO GHA NGELO 32:27

Hezekia ukakaia na mali nyinyi nandighi, na ishima; ukakubonyera moni andu kowika mali ra feza, dhahabu, magho gha zoghori mbaa, vilungo, ngao na vilambo vose va ighuri ja ighu.

2 MALAGHO GHA NGELO 32:31

Hata iji wabaa wa isanga ja Babuloni weredumieghe wadumwa wichekotia maza ra alama ibonyekie andenyi ya isanga, Mlungu ukamsigha Hezekia umanye moni eri upate kumanya agho ghiko ngolonyi kwake.

2 MALAGHO GHA NGELO 9:1

Nao iji malkia wa Sheba wasikira sare ya Solomoni, ukacha Jerusalemu kumtima Solomoni na makoto ghikurie. Ukanughana na wadumiki wengi, na ngamila raduka vilungo na dhahabu nyingi na magho gha zoghori mbaa. Iji wacha kwa Solomoni, ukamja malagho ghose orekoghe nagho ngolonyi kwake.

2 MALAGHO GHA NGELO 9:9

Niko ukamneka mzuri dhahabu ichumbagha kilo elfu inya, na vilungo kwa wungi, na magho gha zohori mbaa. Ndekorekoghe na vilungo vifwane sa ivo malkia wa Sheba oremnekieghe Mzuri Solomoni.

AYUBU 31:25

Jingi sikukasire angu wei niko na mali nyingi, iro niripatire kwa wungi.

MAKATANISHO 4:23

Lindia ngolo yako kuchumba vilambo vose, angu aho niko ndoria ya irangi ifumagha.

MCHILI 7:20

Ndekuwadie mhachi ungi ndoenyi ubonyagha hachi iekeri jingi usebonyagha kaung'a.

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

1 JOHANE 1:8

Dikaghamba wei ndediwadie kaung'a ingi, diakukalia diweni, na iyo loli ndeiko andenyi kodu anduangi.