ISAYA 39:1 - Biblia Ilagho Jiboie Kwa Wandu Wose

¹ Ngelo iyo, Merodaki-baladani mwana wa Baladani, mzuri wa Babuloni, oredumieghe wandu na barua, chiaimweri na manosi wirede kwa Hezekia; angu oresikireghe kukaia orekoghe mkongo, nao ukaboa.

ISAYA 39:1 ပူးပေါင်းရင်းမြစ်များ

2 SAMUELI 10:2

Daudi ukaghamba, “Kwa kukaia Nahashi orekoghe mloli kwapo, nanimoni nichakaia mloli kwa mwana wake Hanuni.” Niko Daudi ukaduma wadumiki wake, nawo wikangia isanga ja Waamoni; kwendamhoresha Hanuni ngolo.

2 SAMUELI 8:10

Toi ukamduma mwana wake Joramu kwa Mzuri Daudi, upate kumroghua na kumghata kwa wundu ghwa kulwa na Hadadezeri hata ukamsima, angu Hadadezeri orekoghe ukilwa na Toi shwa kwa shwa. Joramu ukamredia Daudi vilambo va feza, dhahabu na va shaba.

2 MALAGHO GHA NGELO 32:23

Wandu wengi wikareda manosi ghawo kwa BWANA aho Jerusalemu, na Hezekia mzuri wa Juda ukaredelwa vilambo va zoghori mbaa; na kufuma ngelo iro, ukajoswa; na mbari rose rikammneka ishima.

2 MALAGHO GHA NGELO 32:25

Ela Hezekia ukasowa chawucha ingi kwa wundu ghwa ijo orebonyeroghe, angu orekoghe na lukaso. Kwa huwo BWANA ukawibonyera machu uo moni na wandu wa Juda, na Jerusalemu.

2 MALAGHO GHA NGELO 32:31

Hata iji wabaa wa isanga ja Babuloni weredumieghe wadumwa wichekotia maza ra alama ibonyekie andenyi ya isanga, Mlungu ukamsigha Hezekia umanye moni eri upate kumanya agho ghiko ngolonyi kwake.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ISAYA 13:19

Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

ISAYA 23:13

(Wakaldayo niwo wishekerie muzi ghwa Tiro ghukangilwa ni nyamandu, si Waashuru wangi; Wakaldayo niwo wiaghie minara yawo kughumara ugho muzi, na kughusha ngome rawo hata rikawuya maghacho.)