ISAYA 38:3 - Biblia Ilagho Jiboie Kwa Wandu Wose

³ ukighamba, “Nakulomba idana ee BWANA, kunikumbuke seji nighendie nicha imbiri kwako, kwa wuloli ghose, na kwa ngolo yose, ngibonya agho ghikuboiagha oho.” Hezekia ukalila nandighi.

ISAYA 38:3 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

1 WAZURI 15:14

Hata ngera Asa ndererinonieghe rija nyumba retasira milimu rereaghiloghe mghondinyi, ela orekaieghe mloli putu cha kwa BWANA irangi jake jose.

1 WAZURI 2:4

Kukamsikira, BWANA uchajimangisha ilaghiro ijo orenizerieghe kukaia, wana wapo wikalindia chia rawo na kughenda kwa wuloli imbiri kwake kwa ngolo rawo rose, na jingi sichaasowa mundu oseria kifumbi cha nguma andenyi ya Israeli.

2 WAZURI 18:3

Ukabonya mecha imbiri ya BWANA karakara na ndee Daudi.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

1 MALAGHO GHA NGELO 29:19

Kumneke mwana wapo Solomoni ngolo ewadia memu yako putu na mashuhudio ghwako; upate kuiagha Hekalu ihi naifunyira vilambo.”

1 MALAGHO GHA NGELO 29:9

Wandu wikazuma kwa kukaia werefunyireghe kwa ngolo; angu weremfunyireghe BWANA kwa ngolo rose; wokoni mzuri Daudi ukazuma nandighi.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 25:2

Amazia ukabonya nicha imbiri ya BWANA, ela nderesowieghe makosa anduangi.

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 13:14

Kunikumbuke ee Mlungu wapo, aighu ya maza iri kughitale mabonyo ghapo mecha nighibonyere kwa wundu ghwa Hekalu ya Mlungu wapo na kwa wundu ghwa wutasi ghwako.

NEHEMIA 13:22

Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

NEHEMIA 5:19

Kukumbuke wucha nibonyere kwa awa wandu ee Mlungu.

ZABURI 101:2

Nichalindia nisebonye ikosa jingi. Ado kuchaacha lii kwapo? Nichadua na irangi jielie nyumbenyi kwapo.

ZABURI 102:9

Nadaja ivu sa vindo, na kuranganya kunywa kwapo na mbori.

ZABURI 119:80

Kunibonye niiwadie memu yako putu, nisechefushwa waya.

ZABURI 16:8

Naawuyakanya na BWANA matuku ghose; oko chia ya mkonu ghwapo ghwa kiwomi, sichaanyavurika anduangi.

ZABURI 26:3

Naawuyaghenjwa ni lukundo lwako lukatie, nani naawuyaghenda kwa wuloli ghwako.

ZABURI 32:2

Warasimilwa uo mundu BWANA usemtaliagha kaung'a, uo usewadie wukalo ghungi rohonyi kwake.

ZABURI 6:6

Kusirimika kwapo kwanisirisha ndighi, nariwika wuli ghwapo na mbori kula kio, na igodoro japo jawada mbori rapo.

ZABURI 6:8

Injikenyi kwapo inyo mmbose m'bonyagha mawiwi, BWANA wamerie kusikira kililo chapo.

ISAYA 38:2

Hezekia ukaghaluka cha wurighenyi, ukamlomba BWANA

ISAYA 38:4

Niko BWANA ukaghora na Isaya

HOSEA 12:4

Oresimaneghe na malaika ukasima, ukalila ukighulola wughoma ghwake; ukakwana na Mlungu aja Betheli, na ajaeni Mlungu ukaghora nao.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WUKUMBUSO 6:18

Na oho kubonye ijo jiko ja hachi jiboie imbiri ya BWANA, kupate kuwona nicha na kujiwusa isanga jiboie ijo BWANA orewilaghirieghe weke ndeyo kukaia uchawineka,

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.