ISAYA 38:19 - Biblia Ilagho Jiboie Kwa Wandu Wose

¹⁹ Uo uko moyo nuo uchaakukasa oho, ee, uo uko moyo nuo uchaakukasa kara kara na ini idime. Wana wadaghorelwa wuloli ghwako ni weke ndee.

ISAYA 38:19 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

ZABURI 118:17

Sifwagha, ela nichakaia moyo, na kueresha malagho gha mabonyo gha BWANA.

ZABURI 119:175

Kunikaishe moyo, nipate kukukasa; malaghiro ghako ndeghinitesie.

ZABURI 145:4

Kula kivalwa chicharikasa kazi rako kwa kivalwa kizima, vichaghora malagho gha mabonyo ghako gha ndighi.

ZABURI 146:2

Nichamkasa BWANA ngelo rose niko moyo; nicham'boria makaso kari kose.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

JOELI 1:3

Jighorienyi wana wenyu, na wana wenyu wiwighorie wana, na wana wawo wichighorie kivalwa chichagha.

JOHANE 9:4

Ni suti dibonye kazi rake Uo orenidumieghe ndoe iko dime, angu kio chichacha, mndungi usechaadima kubonya kazi anduangi.

WUKUMBUSO 11:19

Mughifundishe wana wenyu, muje malagho aighu yaro iji muko kidombo nyumbenyi konyu, na mkighenda chienyi, na ngelo mwaka akandonyi, na ngelo mwawuka.

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WUKUMBUSO 6:7

kuwifundishe wana wako nicha, na kuja malagho gharo ngelo muko nyumbenyi, hata kukighenda, hata ngelo kwakaia akandonyi, na ngelo ewuka.